Jøss, litt strikk

Skal jo verta tante igjen til sommaren. Sidan korkje mora eller faren strikker noko og heller ikkje dei andre tantene så trør eg til. Hyggeleg med litt småstrikk igjen. Går jo svimlande fort. Dessutan er det slikt ein har å gjera mellom slaga på vakt når litjpia er langt vekke.

Pickles Darling dress and turban. No trur eg veslejenta skal verta fin.

Deilig garn Drops Merino extra fine.

Har klart å få meg eit par fine turar her i Hammerfest. På Tyven med utsikt over Hammerfest by og ein tur til eit vatn ved Forsøl.

Elles sit eg helst og drøymer om hengestolar. Ikkje så mykje å velga mellom i Noreg er eg redd.

Langt mot nord

Verdas nordlegaste fødeavdeling - der er eg no.

Hammerfest!!!!

I tillegg går vi no inn i årets lengste dag. Den er jo forresten lang nok her i nord, men det er jo litt fint å tenkja på alikvel.

Når ein stort sett har vakt og skal vera i beredskap heile døgeret så kjem ein ikkje så langt. Det tyder at eg sit heime og ser på Hageprogramma som Moseplassen har lagt ut link til og så strikker eg.

Snart er Lavendelkåpa til Pickles ferdig og så skal eg strikka litt babyplagg. Snerten selekjole også frå Pickles.

De kan finna fargeval og litt bilder på mi side på Ravelry.

Snart nyfødt

No venter vi i spenning kvar dag på at det skal koma ei lita jente. Var litt usikker på om ho hadde eit hentesett for korkje mormora eller mora strikka så då slo eg like så godt til med eit heilt lite antrekk. Vi får sjå. Det finst jo ei farmor også.

Hadde kjøpt noko melkefibergarn ei tid tilbake. Det er utruleg mjukt og deilig og skal elles ha same kvalitetane som ull i følge ho som selde det sjølv om det kjendest meir ut som mjuk bomull. 

Lua er frå Pickles sitt hentesett, men i staden for å strikka vaffelstrikk så strikka eg daisies. Dei kan brukast til alt. Jakken har eg komponert sjølv. Likte godt A-forma og beltet i daisy-strikk. Det er strikka nedanfrå og opp.

Ja, ja, så fekk eg blogga litt igjen då. Det vert lite av det for tida. Får knapt lese noko bloggar og. Veit ikkje heilt kvar tida tar vegen. Eller vel, det er mykje arbeid med den kongressen der heklevaginaen skal vera.

Ha ein fin kveld!

Småfolk i små plagg

No er det småfolk på gang i gjen. Ja, ikkje hjå meg altså. Her er egga i ferd med å tørka på rot og det får dei berre gjera, men eg har jo veninner som ventar små. Veldig gøy når det flaskar seg for folk og det tyt ut små fine ungar. Denne vesle pia er ikkje fødd enno, men terminen er rett rundt hjørnet. 

Mora strikkar ikkje sjølv så då er det jo ekstra hyggeleg å produsera nokre få plagg. Her har de eit par luer, men det er meir på pinnane.

Det grøne garnet er frå Nøstebarn og det plommefarga meiner eg er restar eg fekk frå Lise.

Har hatt det litt travelt i det siste så har måtte nedprioritera strikkepinnane litt diverre.

Nyfødt-spøt

Ah, då har mor til veslejenta som vart født i sommar sagt eg kan bruka dei bileta eg fekk tilsendt av ho på bloggen. Ei øranes lita fin vakkerdokke.

Eg tok utgangspunkt i Lillestakken igjen, men eigentleg er den vel så omgjort at det er spørsmål om eg kan påstå at det er same kjolen. 

Eg strikka ikkje bølgekanten nedst, og la opp 160 masker. Fyrst strikka eg fem riller i rettstrikk før eg gjekk over i tre rett og ein vrang. Etter 18-20 cm snudde eg arbeidet slik at vrangsida kom ut og reduserte til 80 masker før eg strikka "beltet" slik som det er i mønsteret. Felte så mange masker som det står i mønsteret til kvar armhole. I neste omgang la eg på 36 masker og strikka tre riller med rettstrikk over dei til ermene. I neste omgang definerte eg midten på ryggen og strikka fram og til bake slik at det vart ein opning bak. Eg har brukt raglanfelling av di eg tykkjer det eller rundfelling er finast på babyar. Det gjorde eg av di eg ville bruka daisies som mønster. Det finn instruksjon om korleis å strikka dei hjå Pickles. Eg strikka sju rader med daisies og tre-fire omgangar til før eg sette av dei midterste fem maskene og felte ei maske i kvar side heilt til eg kom ut til raglanfellinga. Då plukka eg opp maskene i midten og ei for kvar felt maske før eg strikka tre riller med rettstrikk og felte laust av. Til slutt hekla eg ein kant rundt opningen i ryggen og laga 3- 4 hemper til knappar i ryggen. (hugsar strengt tatt ikkje om det var tre eller fire knappar).

Huva er ei hjelmhuve utan spissen foran og med tre rader med daisies.

Eg har brukt pinne nr 3, kvitt alpakkagarn og restegarn til fargane.

Lillestakken

Eg liker denne enkle og fine oppskrifta på babykjole. Denne gongen har eg laga ein "plissert" variant av skjørtet. Eg strikka tre rett og ein vrang som eg snudde med vrangsida ut. Tykte det gav ein artig effekt. Oppskrifta er frå Myk start.

Dette er tredje gongen eg strikkar kjolen. Litjpia var den fyrste som fekk og vi har brukt han mykje. Sidan det er sopass stor opning for armane sidan det er seler så kan kjolen brukast lenge trass i at han kryp oppover og ender opp med å vera meir som ein vest enn ein kjole.

Det har ikkje vore så mykje strikking i det siste, men vonleg tar det seg opp snart. Denne kjolen har eg strikka til dotra til ei veninne. Fine, vesle Gine.

Silkeguten

Kjøpte silkegarn til 10 kr nøstet i ei restekorg i fjor. Fann denne oppskrifta via Monstermønster. Veninna mi som ikkje er ein like stor ullelskar som dei fleste av oss skal til Thailand ved juletider med vetleguten. Så då såg eg mitt snitt til å få brukt silkegarnet til noko fornuftig. Vel, det er litt stivt så eg er ikkje sikker på kor veleigna det er til sjuande å sist. Dessutan lukter det rå natur om ein skal seia det på den måten. Eg har brukt pinne nr 4-4,5 til dressen.

Knappane kjem frå knappeglaset eg vann hjå Monstermønster.

No har eg gått igang med ei jakke i same garn til meg sjølv, men denne gongen på pinne 7. Eg satsar på ei laus og ledig sommarjakke.

No sit eg og koser meg med nett-TV og ein av dei gamle filmane frå 50-talet "Ung frue forsvunnet". Har tenkt eg skal sjå heile samlinga som ligg hjå Nrk.

Gir meg ikkje med dei daisyjakkane

Eg har to kusiner som nett har fått seg kvar si dotter så då tenkte eg dei skulle få seg kvar si jakke av dette eine mønsteret eg har laga. No er den eine ferdig. Fargane er inspirert av ei par cowboystøvlettar kusina mi har. Ja, dei er kvite med mønster i knæsje fargar. Så no kan mor og dotter stå i stil.

Det er artig å sjå kor ulike jakkane vert når ein bruker ulikt garn og fargeval til trass for same mønster.

Eg har nytta naturfarga alpakka Tynn alpakka frå Du store alpakka og diverse restegarn i gilde fargar. Knappane er frå resteboksen og er vel i utgangspunktet plukka frå ein resteboks på ein eller annan butikk.

Diverre er det ikkje så ofte eg tar meg tid til å surfa rundt til alle dei flotte bloggane eg ikkje kjenner frå før. Som oftast vert det berre turar innom til dei kjende og kjære eg kjenner frå før, men i dag var eg innom denne svenske bloggen by Caloweena. Eg har visst ikkje vore innom så mange svenske bloggar skjønar eg. Her var det i alle fall litt andre ting enn det ein finn i norske bloggar og det er jo artig samt litt butikktips for den som skal til Stockholm.

Ny jakke og lue med daisies

Dette er vel ein av dei få oppskriftene eg har skrive ned, og eg liker å laga nye kombinasjonar av fargar på dette mønsteret. Modellen er også veldig fin på. Ermene ser litt store ut i forhold til bolen tykkjer eg sjølv når ein ser den på ein hengar, men bolen sit utruleg fint på kroppen og då kjem også dei litt vide ermane til sin rett. 

Denne gongen har eg også laga nokre daisies på ermene. I tillegg har eg laga ei lue delvis etter mønster av Myk start sitt mønster. Eg har laga ein annan versjon før.

Eg hadde kjøpt noko Baby wool garn på Stoff og stil som eg brukte til denne jakken. Eigentleg hadde eg tenkt å ha blått på heile ermene og bolen, men etter å ha strikka eitt erme såg eg at eg ikkje hadde nok så då endra eg plan og tok til dei to nøstene med lilla eg hadde. Eg hadde allereie strikka nedre delen av bolen med daisiane så eg heldt meg til ideen med mansjettar og volangane i blått. I tillegg måtte eg legga til nokre rekker med daisies på ermene for å drøya garnet. Til slutt viste det seg å vera eit fint val. Det var artig med litt meir variasjon.

E

Teppe til Australia

Mor mi i Brisbane, Australia (eg var utvekslingselev i 88/89) skal verta bestemor. Vi ventar på ein fin, fin gut rett over nyttår. 

Det er ikkje lett å strikka noko til folk som lever livet i konstant sumar der vinteren er varmare enn vår eigen sumar. Det gjer seg liksom ikkje like mykje med ull trass i at nokre eg kjenner sverger på at ull bør ein nytta i all slags vær. 

Så kva skal ein då strikka?

Voila, eit lite babyteppe i bomull. "Svalande vind, mjukt som eg minnast du strauk hennar kind, svalande vind kom" (Hartvig Kiran) Altså vonleg eit svalande teppe når kroppen kovnar i skuggen eller i vinden frå air con.

Strikkeplagga er i bruk

Vetleguten veks til og no har mor hans tatt bilete til ære for tanta for å visa kor fin han kan vera i tante sin strikkekolleksjon.

Jakka til Tora Frøseth, vintage bukse, vest og tøflar.

Slettes ikkje verst. Han gjer seg som modell.

Vintage strikk

Vi gjekk igjennom kottet etter besteforeldra mine i vår. Der fann vi mellom ein mengde skrot - bestemora mi kasta aldri noko, gamle barneklede etter mor mi og syskena hennar. Ein riktig så liten skatt vil eg seia. No har eg endeleg tenkt eg skal vaska dei og setja dei i stand så får vi sjå om det er noko som kan brukast av dei 6 oldebarna ho har etterlatt seg. I alla fall kan det jo henda det er nokon som vil ha det på utstilling.

Denne buksa var nok brukt av onkelen min. Eg meiner å ha sett den på eit gamalt bilete. Buksa er grundig brukt og vaska for den er nesten som tova å rekna. Dei er frå den tida då bestefar min arbeidde på gard, og dei budde på eitt lite rom. Det var neppe flusst med pengar, men ho var flink med pengar og klede bestemor. Det var ikkje mykje som gjekk til spille. Må seie ho hadde god smak når det gjeld fargeval. Det er riktig så fint med det sennepsgule og brune.

Som dotter av ein skreddar visste ho å finna glede i fine klede. Viss ho hadde misstanke om at vi var lei oss så stakk ho gjerne i oss litt pengar og sa "her skal du få litt så kan du kjøp dæ nå nytj". Eit universelt botemiddel mot tunge tankar.

Going through my grandparents old stuff we found some treasures among a lot of junk. My grandmother never threw things away. So now I have some old clothes that my mother and her siblings used to wear. This knitted boys pants for instance that my uncle must have worn. I think I have seen them in an old photo so they must have been his good ones. They have been worn and washed a lot from the looks of it. My grandmother was the daughter of a tailor and enjoyed having nice clothes. When my uncle was little they had very little money so I can just imagine the effort behind these pants. Have to say she had good taste in colours.

Lillestakken i ny versjon

Eg er fan av Myk start og denne kjolen har eg strikka til Litjpia også. Ho er ein liten toåring og har framleis glede av kjolen i storleik 9-12 mnd. 

Denne gongen har eg strikka til ei lita vakkerdokke som også var veldig lita då ho vart fødd. Ganske så nøgd med dei graderte stripene som gir eit litt retro preg.

Eg har nytta alpakkaull. Det er nok ein av mine favorittar av di eg elskar den mjuke kjensla.

Lille vinkel på plass/angle

O herlege du, der var eg ferdig med den jakka. Den var betydeleg enklare å strikka enn eg trudde då eg fyrst byrja på mønsteret. Spesialopplegg osv gjorde meg litt skeptisk, men så tykte eg jo at jakka var så stilig i all sin enkle prakt. 

Den heldige vinnar er min vesle, ganske nyfødde "nevø".

Det kjekkaste med mønsteret er at ein nesten strikker heile greia i eitt og at kanten rundt også strikkast i ein omgang. 

Takk til Tora Frøseth. Ho nyttar gjerne Hifa garn og sidan fabrikken ligg rett utanfor Bergen så har eg lenge tenkt eg skulle stikka innom på fabrikkutsalet. Til no har det vorte med tanken diverre.  Derimot er det fullt mogleg å kjøpa litt tjukt Hifa-garn på butikken på Tysse. Dei har i grunnen alt. Det er der eg har kjøpt høgtrykksspylaren og kantklypparen min også i tillegg til pølser frå Bønes og 5 toms spiker. Det ikkje Ty'en har er nesten ikkje verd å kjøpa. 

Yesssss, the angle is all finished and waiting for it's owner my little new born "nephew". It was much easier to knit than I expected and I loved how you almost knit it all in one piece. You find the pattern at Tora Frøseth. She tends to use Hifa yarn a yarn factory just outside Bergen. I have long thought I'd drop by and have a look at their factory outlet but time passes bye. Luckily some can be bought at the local little shop at Tysse where I have my country cottage. They have everything from lawn mowers, yarn, nails, slow food and pharmacy.

Lille vinkel/angle

Tora Frøseth har nokre av dei finaste og mest elegante mønstra eg veit om i bloglandia. Dessutan har ho veldig god sans for fargar. 

Eg har ei stund tenkt eg skulle strikka denne babyjakken, men den har vorte liggjande i køen ei stund. No derimot er eg ca halvvegs. Eg er ikkje heilt sikker på kva dette midlertidige opplegget er.... og lurer veldig på om eg kjem til å verta kvitt den bomullstråden, men eg håper på det beste.  Uansett vert eg meir og meir nøgd med mønsteret. Eg bruker Røros lammulgarn denne gongen.

I love the design of Tora Førseth and think they are one of the more elegant and stylish patterns I have seen in bloglandia. For some time I have been thinking of trying out this pattern of a baby jacket but it has been stuck in the queue for a while. I am becoming more and more fond of the pattern though. For this jacket I am using Røros lammulgarn.

Retro bleiebukse/old fashion diperpants

Eg fekk jo låna nokre gamle mønster frå 50-talet frå besta i etasjen under. Det er så mange artige mønster, men ikkje alle som er like anvendelege, men no fekk eg strikka ei god gamaldags bleiebukse. 

Rett nok liknar den ganske mykje på trusene til damer frå same tidsepoke, men dette er altså barnestorleik. Syskenbarnet mitt har fått seg eg ny, liten, fin gut som skal verta stolt eigar. Vel, det er vel mora som vert mest nøgd - om ikkje tanta (altså eg). 

I eit gamalt leksikon (ikkje usannsynleg at det var Norsk allkunnebok) så fann eg ein gong at filletante/filleonkel er syskenbarnet til mor/far. Eg var den gongen dødeleg fornærma over at nokon meinte at mine inngifta tanter og onkler ikkje var tante og onkel, men filletante og filleonkel. No er eg derimot vaskeekte filletante også forkorta til tante :-).

I borrowed some old patterns from the 50'ties from "gran" down stairs. I love looking at them though not all of them are so handy now adays.

Verdas søtaste babytøflar/the cutest baby slippers

Det har vore baby boom denne månaden både blant kjende og på jobb. Så då er det hendig med ei lett og kjapp strikkeoppskrift som samtidig gir eit utruleg søtt resultat. Eg er mest himmelfallen over kor søte dei faktisk er. Takk Myk start!

Dei kjem i ulike storleikar. No er eg i gang med noko midt mellom 1-3 mnd og 3-6 mnd, men eg må seia at det er nyføddtøflane som er mest bedårande.

Prøv dei sjøl!

This has been a month of baby boom both at work and among friends. I love this pattern it is so easy to make and fast to knit, and the new born size is just lovable.

Ei lita jakke til ei lita jente/Minature jacket for a little girl

Ei eg kjenner har nett fått ei lita, vakker jente på 1700g. Det er jo ikkje så stort så det er ikkje lett å finna klede som passar godt. Dessutan treng slike små litt ekstra hjelp til å halda seg varme. Så då tenkte eg at ho skulle få seg ei lita strikkejakke. Eg strikka ho i to rett og to vrang for at ho skulle verta mest mogleg elastisk slik at jenta kan veksa med jakka medan jakka sit som støpt. Mønsteret vart til medan eg heldt på. 

Det gule garnet er ei blanding av ull og alpakka og er supermjukt. Håper den fell i smak.

Og så fekk vi bevis for at jakka passer til vesle vakkerdokka :-).

A woman I know just had a little girl born 6 weeks premature. She is so lovely and tiny. These little ones need extra help to keep them warm and it is hard to find clothes just their size so I knitted this miniature jacket for her that I hope she will like.

Daisyjakke igjen/yet another jacket with daisies

Eg må seia at eg er ganske fornøyd med dette mønsteret. Jakka sit veldig godt rundt barnet og får ein slik fin vippekant nedst. Denne gongen har eg vald eit varmgult garn som mor mi kjøpte på Oleana og noko lilla ho hadde liggjande. Eg klarte jo å reisa på ferie utan strikking og fekk raskt abstinenser.

Denne jakka er til ei søt lita pie i Trondheim så no håper eg både ho og mora vert nøgde. Eg har allereie lagt augene mine på nokre nye fargekombinasjonar for neste jakke.

I have to say I am pretty content with this pattern. It is well adjusted around the baby and has a very feminine fringe at the bottom. I have already laid my eyes on some new colour combinations.

50-tals babyjakke/ 50'ties baby jacket

Eg fekk låne nokre mønster frå 50-talet av besta (naboen) ei tid tilbake. Det er så mange små babyar som kjem no i sommar så strikkepinnane har rikeleg med oppdrag. Fekk så lyst til å prøva eit av desse mønstra.

Har brukt eit totråds garn frå Oleana og noko raudt garn eg fekk frå Lise's hobbyblogg. No kan vetlejenta koma.

Knappane har eg kjøpt på fabrikkutsalet til Oleana.

I borrowed some knitting patterns from my neighbour some time back and have tried out one of them. There are so many little ones being born this summer so there are plenty more knitting to come.