Sider

mandag 22. juni 2009

Stelleveske som ingen har make til





No som eg skal leggja ut på tur til Addis Abeba (Etiopia) for å henta litjpia mi så har eg slått meg laus med symaskina. Mange års ganske tvilsame prosjekt som barn når det gjeld dokkeklede og haremsbukser på 80-talet har gjort meg til delvis ven med symaskina. Kjøpte meg ei ny i fjor slik at oldemors gamle Elna som berre syr rettsaum, men i høgste grad er elektrisk, er satt i kottet. Har latt meg inspirera av ei veske på Mønsterarkivet, men sidan eg ikkje har nettilgang på Tysso så er alt gjort litt ut ifrå ein ide i hovudet. Gleden over resultatet er difor veldig stor. Ikkje så reint lite stolt over meg sjølv faktisk.

Yttersida er ein voksduk eg kjøpte i København der den andre halvdelen ligg på kjøkenbordet. Innhaldet kjøpte eg på ein stoffbutikk på Grønland. Ein av desse med sariar og dess like i utstillingsvindauget. Herleg variasjon og inspirasjon.

Veska består av 3 delar som utgjer sider og botn. Alle delane er like lange. Så er det to hovudsider som er lett rektangulært slik at den er litt breiare enn den er høg. Innmaten består av dei same delane samt to sider ekstra som er litt kortare og som utgjer lommer. Til slutt sette eg på lokket som også består av to lag - eit lag vaksduk og eitt lag for. Hanken er dobbelt lag med det stoffet eg har brukt som for, eit enkelt bomullstøy. Eg byrja med å sy hovudsidene saman med botn, så sydde eg på sidene. Dei står litt over kanten og utgjer festet for handtaket. Eg sydde foret på same viset, men der la eg dei delane som skulle verta lommer på innsida som eit dobbelt lag før eg sydde i botn og sider. Til slutt sydde eg ein saum midt på den eine lomma slik at det vart to mindre lommer. Eg planlegg å setja inn ein borrelås på den store lomma fordi den vert i overkant stor slik den er no. Lokket er klypt like stor som hovudsidene. Eg bretta inn ca 1 cm av voksduken rundt heile kanten over foret og sauma rundt. Etterpå sauma eg det fast med ca 5 cm overlapping på den eine yttersida. Reima/handtaket må ein tilpassa til vogn og storleik på veska slik at den ikkje vert hengjande og sopa bakken. Her sauma eg saman to stykke med same breidde som sidestykkene, vrengte det og sauma langs båe ytterkantar, bretta inn ca 1 cm og la det mot innsida av sidestykkene og sauma fast. Voila, ei stelleveske som ingen har make til

6 kommentarer:

  1. Herlege fargar! Og veldig praktisk. :)

    SvarSlett
  2. Eg er alltid veldig imponert over folk som syr fine ting på frihand. Denne veska var kjempefin! Og lurt med voksdukmateriale når ein skal trilla rundt i Bergen;-) Og når det gjeld litjpia: til lukke!!!

    SvarSlett
  3. Super stelleveske! Kanskje jeg rekker et lignende prosjekt i løpet av høsten;-)
    Koselig blogg.

    Camilla:-)

    SvarSlett
  4. Å, en sånn en skulle eg og hatt, heller enn den kjedelige svarte fra Reflex...Så flink du er!!

    SvarSlett
  5. Du er meget kreativ Mette! Jeg elsket fargene!

    SvarSlett
  6. Takk damer. Veldig hyggelege tilbakemeldingar.

    SvarSlett

Eg set alltid pris på kommentarar sjølv om eg ikkje får svart kvar og ein.

LinkWithin

Related Posts with Thumbnails