Strålande dag for treklatring.
Då eg var 6-7 år lærte eg å lage seljefløyter av far min. Det var vedunderleg å spikka, få borken til å løsna og så få lyd i ei fløyte. Det er sikkert over 30 år sidan eg laga mi førre seljefløyte. Eg hadde eit litt misslukka forsøk her for nokre år sidan.
Litjpia har ynskt seg ei seljefløyte og eg tykte sjølvsagt det ville vera forsmedeleg å ikkje få det til.
Jippi! Fekk det til på fyrste forsøk.
Folk på Møhlenpris kan gle seg over ein skjærande lyd.
Vi har vore på "Liv i gamle stover" på Osterøy museum i dag. Flott program i strålande vakkert ver. Der var det mange aktivitetar for ungar og vaksne. Vi har såleis spikka armband og seljefløyte, ete ramslauksuppe, halde høner, lam og kaninar samt grilla pinnebrød og køyrd med hest og kjerre.
Litjpia har spikka hol i tightsen sin.
I tillegg vart litjpia ståande lenge og sjå på ei som spant garn med ein handtein. Plutseleg skjøna ho at alt dette garnet faktisk kjem frå sau.
Å, nå fikk jeg også lyst til å prøve :) Men meg tror jeg må google litt først, for jeg husker ikke heelt hva som skal være løst og ikke og hvor hakkene skal og sånn. Høres ut som en fantastisk dag og et flott arrangement!
SvarSlett