Sider

fredag 28. juni 2013

Hengestol


Den siste veka har ein snekker regjert ute på Tysse og bygd stakittgjerde oppe på muren slik at vi skal sikre oss å ikkje falle ned 4 meter samt eit overbygg.

Veggene er opne bortsett frå armeringsmatter på to sider der tanken er at det skal vera klatreplanter.

Sidan det no plutseleg finst ein plass å henga opp ein hengestol så tråler eg nettet etter fine variantar. Det er sjølvsagt mykje ein kunne ha lyst på, men ein ender vel opp med noko billig i alle fall som eit pauseinnslag på vegen til den perfekte hengestolen.


Aller helst vil eg ha denne fargerike saken, men kor finn ein den. Alternativt er det ganske vakkert med bambus også.



onsdag 26. juni 2013

Jøss, litt strikk

Skal jo verta tante igjen til sommaren. Sidan korkje mora eller faren strikker noko og heller ikkje dei andre tantene så trør eg til. Hyggeleg med litt småstrikk igjen. Går jo svimlande fort. Dessutan er det slikt ein har å gjera mellom slaga på vakt når litjpia er langt vekke.

Pickles Darling dress and turban. No trur eg veslejenta skal verta fin.
Deilig garn Drops Merino extra fine.

Har klart å få meg eit par fine turar her i Hammerfest. På Tyven med utsikt over Hammerfest by og ein tur til eit vatn ved Forsøl.



Elles sit eg helst og drøymer om hengestolar. Ikkje så mykje å velga mellom i Noreg er eg redd.

Må ha


Har berre så utruleg lyst på denne, men dei seier at dei ikkje ship outside Northern America. Buhu.


mandag 24. juni 2013

Ute er det nye inne


Ferietid er lik hagetid og når eg no sit her i nord og venter på at ting skal skje så har eg også sett umåtelege mengder med hage-tv.

Det er jo ikkje tvil om at "ute er det nye inne". Må jo le litt av det. Ser mellom anna at avisa heime på Orkanger, der eg kjem ifrå, har hatt serien "årets uterom".

Sannsynlegvis er eg litt sein til å hiva meg på det som viser seg å vera ein trend, men det er gøy med hage. Møysommeleg har eg gjort litt etter litt i hagen til huset mitt på Tysso sidan eg kjøpte det i 2007. Planene auker år for år, men det er jo viktig å ikkje overarbeida seg og ikkje minst satse på ein villhage når ein ikkje er der heile tida. 

Det er gøy å vera i hagen. Dessutan er det deilig å lempe på stein få skit under fingrene, forbanne ugraset og sjå spirane koma.

For tida er eg mest opptatt av å byggja fundamentet i hagen og legga hagegangar.

No sit eg her i nord og planlegg og drøymer.


torsdag 20. juni 2013

Langt mot nord


Verdas nordlegaste fødeavdeling - der er eg no.
Hammerfest!!!!

I tillegg går vi no inn i årets lengste dag. Den er jo forresten lang nok her i nord, men det er jo litt fint å tenkja på alikvel.

Når ein stort sett har vakt og skal vera i beredskap heile døgeret så kjem ein ikkje så langt. Det tyder at eg sit heime og ser på Hageprogramma som Moseplassen har lagt ut link til og så strikker eg.

Snart er Lavendelkåpa til Pickles ferdig og så skal eg strikka litt babyplagg. Snerten selekjole også frå Pickles.

De kan finna fargeval og litt bilder på mi side på Ravelry.

torsdag 13. juni 2013

Gamal draum


Sikla på naboens rysjer og lamper med dingeldangel då eg var barn. Hjå oss var det fullstendig ribba for slikt stæsj. Der var det heller oransj, grønt, brunt og skikkeleg cordfløyelsdominans.

No har derimot vi barn av 70-talet lagt vår elsk på dei gamle kitchy lampeskjermane til nabokjerringa.

Eg fann ein avlang variant på Fretex, demonterte den gamle, kvite, kjedelege IKEA-lampeskjermen, bente til metallramma og slepte den nye nedpå. Voila!

Derimot trudde eg at litjpia skulle elske lampeskjermen; "den er stygg mamma".

onsdag 12. juni 2013

Kveldsstund på Tysse

Min faste barnefrie dag og eg suste ut på Tysse etter arbeidstid for litt sol, hage og hygge. Ein time reiseveg er i grunnen heilt passe. Forvilla meg inn på IKEA på vegen og tapte ein time god kos, men det har eg jo meg sjølv å takke. 

Skal kjøpa ny seng til det eine rommet på Tysse og tenkte det skulle verta ei skikkeleg dobbeltseng. Det breiaste eg har til no er 120 cm. Litt knapt for eit velvakse par - ikkje det at det er så veldig mange av dei der ute, men det er jo greit å ha det tilgjengeleg.  

Kva er dette med madrassar på 140 cm? For det fyrste er det umogleg å få inn i bilen og for det andre så er det også lovleg smalt. I tillegg sel dei ikkje laken til herlegheita. Nei, trur det vert to 75 cm senger i staden. Viss senga vert noko særleg breiare enn 150 cm så får ikkje moderen plass til hunden og kofferten sin. Ein skal tenkja på alt.

Prøver meg på lappeteknikk og fekk laga ferdig denne puta. Den andre puta eg laga var av eit gamalt broderi og nokre band, men innan eg hadde laga den så lada mobilen ut.
 

Det mobilfrie livet er herleg!

LinkWithin

Related Posts with Thumbnails