Tilflukt

Prinsessekrone

2012-02-11T21:34:00.002+01:00

Det går rimeleg mykje i prinsesser, fine kjoler og ynskjet om endå fleire kjoler og smykker for tida. Puh, har kjøpt inn heksekostyme i dag som ei motvekt.

Men i tillegg har eg gitt etter for ynskjet om ei prinsessekrone. Det er karneval på fredag og prinsessekostyme er bestillt. Så då har eg like så godt hekla ei krone. Jenta er fornøyd og det er eg og. Mykje betre at ein gjer seg ferdig med dei derre prinsessegreiene no og så kan feministen dukka fram frå tyllskya seinare.

Fanabolero

2012-02-08T00:34:00.000+01:00

Snakk om tre i eitt. Dette er eit skikkeleg kinderegg. Eg har strikka, hekla og brodert. Trur dette må vera det mest forseggjorte plagget eg nokon gong har laga. Kanskje er det difor eg har budd i det i dag. Som Besta sa så kan det eigentleg brukast både til fint og kvardags avhengig av kva ein har under. Eg var også på ein fotoseanse i dag der eg brukte jakka. Diverre så er det nokon som eig dei bileta så eg kan ikkje berre bruka dei fritt utanom i privat samanhang. Og det er vel strengt tatt ikkje dette. De må altså nøya dykk med dei bileta eg fekk veninna mi til å ta på altanen på Kvinneklinikken i Bergen då sola diverre hadde gått attom ei stadig veksande sky. Ein smule irriterande kan ein vel seia. Jakka var sjølvsagt endå finare i dei proffe bileta i soljos enn i skuggedalen på KK.

Eg er altså strålande nøgd med jakka. Fekk i tillegg kjøpt meg ei fin nål til å lukka ho med på Husfliden i dag av bein og tre.

Nett som eg sit her burde eg også ha rydda i heimen, men er alt for nøgd med jakka til ikkje å blogga om ho idag sjølv om det er midt på natta.

Eg har altså som de ser lagt på ein rutebord og nokre ekstra luserader (6stk) for å gjera det til ei jakke i staden for ein bolero. Det takkar eg meg sjølv for gong på gong, for den hadde nok ikkje vorte brukt viss den var ein bolero. Eg måtte også justera litt på skuldrene etter at eg sydde den saman for den siste luserekka gjorde at skuldrene sto eit par cm utanfor skuldrene. Såg nesten ut som eg hadde skulderputer. Det er ikkje den effekten eg ynskjer så då korrigerte eg det. Sidan eg tok med dei ruterekkene på bolen også så fekk eg jo ganske så mykje ekstra å brodera også. Det tok 2-3 kveldar å brodera alt. De finn mønsteret på Ravelry og Epla.

Artig å brodera

2012-02-04T00:27:00.003+01:00

Forbausande artig faktisk. Trudde også det kom til å ta mykje meir tid enn det det gjer. Ferdig med eitt erme og snart to berre på ein kveld. Dette var altså meir i føljetongen om fanaboleroen. Lite anna som vert strikka for tida. Alt for mykje tid som går bort i Wordfeud og Backgammon er eg redd.

GOD HELG!!!

Eit lite snikfoto

2012-02-02T21:41:00.003+01:00

No har eg byrja på heklekanten på Fanaboleroen. Må seia eg er ganske så nøgd. Snart skal eg brodera.

Ha ein god kveld!

Bestakåpa

2012-01-29T20:43:00.002+01:00

Verdas beste Besta har hengt over symaksina i dag. Snakk om å vera heldige. Litjpia var også veldig nøgd med kåpa si. Ho hadde vore med og tatt ut stoffet og fargevalet. Sto lenge ogs spegla seg. Det er eit godt teikn. Elles er eg redd ho kjem til å sjå på barndomstida si som eit langt husflidsmareritt med stadig nye heimespøta plagg.

Ha ein god sundagskveld! Eg ser eg har mykje godt i vente når det gjeld nett-TV.

Hekle og klippe

2012-01-25T23:13:00.001+01:00

Fanaboleroen veks. No mangler eg faktisk berre å strikka ein kant, hekla kantar og brodera så er han klar. På vegen til det måtte eg klippa opp framme. Symaskina står på hytta så den er ikkje tilgjengeleg. Rett nok bur verdas beste Besta i etasjen under, men no hugsa eg plutseleg på at eg hadde sett at Vibekes lille ullne hadde link til korleis hekla kantar før ein klipper. Her finn de linken til hekleinstruksen. Puh, hjartet i halsen før eg klipte, men det ser ut til å ha gått bra.

No skal eg berre spela litt meir wordfeud og så strikka litt i mellom slaga så vert det snart ei fanakofte å visa fram. Det er ikkje mykje bolero akkurat. Som sagt tidlegare tykkjer eg ikkje magepartiet gjer seg heilt i ein bolero lenger.

Gnistrande vakker vinter

2012-01-22T22:25:00.002+01:00

Lukka i livet viste seg denne helga å vera vener med hytte på Kvamskogen. Snakk om herleg vintervær, Når ein er i Bergen så trur ein ikkje det finst noko som heiter snø, men berre ein time unna har ein altså vakre snødungar og ein halvmeter med laus nysnø. Eg er eigentleg ikkje nokon skientusiast, men dette smelta også mitt skihjarte. Litjpia derimot er ein skientusiast og har no byrja sin andre sesong på ski. Vi gjekk i alle fall 1 km i dag. Fiskebein og litt bakker er forsert og motet er på topp. Dette må vera genetisk for det er i alle fall ikkje sosialt betinga. Men som god nordmann..... så skjønar eg jo at eg får gje ho det ho vil ha så då må også skia mine fram. Dei har ikkje vore brukt på tre år. Hytteverten har vist seg som den sanna skientusiasten han er og har også sørga for at dei smørefrie skia mine har fått glider foran og bak. Øh, no skjøner eg kvifor dei har lugga tidlegare.

Knitting looms

2012-01-17T21:14:00.000+01:00

For meg ser dette ut som den gamle fingerstrikkinga eller dei derre trådsnellestrikkegreiene ein laga ein gong i tida med fire spiker på ei trådsnelle. Men det ser altså ut til at dei finst også i større variantar og at folk lagar alt mogleg av slike looms. Berre sjekk denne nettstaden eller denne.

Dette seier dei om looms:

Knitting looms are simple weaving tools made of wood or plastic. Using a wrapping process, yarn is wound around the pegs of a loom to create rows of knitting. The process is simple, but the variety, shapes and sizes of looms are growing constantly as loom knitters experiment with their craft.

Veit ikkje nett om eg syns det ser enklare ut enn strikking. Takke meg til ein rundpinne, men det er kanskje enklare for nybyrjarar. Vi kjøpte i alle fall ein loom med oppskriftsbok til niesa mi på 8 år.

Kunst for barn

2012-01-15T16:45:00.005+01:00

Det er gøy når ein tar barn på alvor og lager kunstutstillingar for barn. Ofte vert det mykje interaktiv kunst som eg gjerne skulle sett meir av for vaksne også. Eg er ikkje sikker på om eg tykkjer denne utstillinga i Gallery of Modern Art i Brisbane har den beste. Den er veldig sukkertøyklissete, men for all del mykje fine detaljar å sjå på. I tillegg var det eit rom fullt av skjermar der ein kunne byggja si eiga verd etter inspirasjon frå denne utstillinga. Den størst og artigaste utstillinga for både store og små er nok den som eg nemnde i førre innlegg. Det er for så vidt eit døme på at store og små kan ha like stor glede av den same utstilling.

Men eg vil så absolutt seia hurra for Bergen Kunsthall sin Kunstlab for barn. Den er open fram til 08.09.2013. Her var det alt frå dei stre målarane til interaktiv kunst, fargelære, perspektiv, former med meir. Her skal vi gå fleire gonger, men eg tykkjer det er stivt med 100 kr for vaksne trass i at det er gratis for barn og trass i at same billett kan brukast på alle tre kunstmusea. Det er liksom ikkje så aktuelt for ein småbarnsfamilie å gå frå kunstmuseum til kunstmuseum.

På tampen vil eg ropa nok eit hurra for Bjørn Sortland si barnebok "Raudt, blått og litt gult". Det er som ein klassikar å rekna. Eg hadde vore på leit etter den, men så fekk vi den til jul. Litjpia vil gjerne lesa boka og då var det litt artig at vi hadde lese om Munch og Picasso i boka of fann bilete av båe to på Kunstlab.

Prikk på prikk

2012-01-10T21:20:00.004+01:00

Gallery of Modern art i Brisbane har ei eiga avdeling for barn. Der har dei også denne fantastiske interaktive utstillinga. Du er med på å laga han. Litjpia fekk eit ark med prikkar i raudt, gult, blått og grønt. Ho sprang rundt og klistra over alt. På førehand var rommet spraymåla kvitt, også plantane. Ein utruleg flott effekt. Kunstnaren er Yayoi Kusama frå Japan. Ho ser ut til å elska prikkar.

Utstillinga i Brisbane heiter Look now - See forever.

I etasjen under har dei ei permanent utstilling for barn der dei også kan utforma sine digitale blomsterrom i tillegg til den faste instillasjonen.

Interchangeable needles

2012-01-09T21:13:00.001+01:00

Når vi likevel var i handlemodus hjå Morris og Co i Sydney så lot eg meg freista til å kjøpa desse strikkepinnane frå KnitPro. Sidan prisen likevel sto i australske dollar så lukker ein augene og drar kortet. Det er litt som å handla med monopolpengar. Når eg fyrst var i gang så ville eg sjølvsagt ha eit lekkert etui også. Det eine tar det andre.

Settet har 8 par pinnar med 4 ulike lengdar kabel, nokre stopparar etc. Storleiken er 3.5, 4, 4.5, 5, 5.5, 6, 7 og 8. Eg har masse strikkepinnar som er 2.5 og 3 så det høvde bra med litt større pinnar. Kabelen er veldig fleksibel og rettar seg raskt ut. Garnet glir ikkje så aller verst glatt på pinnane heller. Den er ikkje like glatt som ein av metall, men heller ikkje så treig som bambuspinnane.

Ha ein fin kveld. Eg skal sjå krim. Deilig når det er dobbel dose - Broen og Taggart. Så får eg heller leva med at distriktsendinga på NRK direkte, Nett-TV er frå Austlandet.

Eksotiske fibrar

2012-01-06T21:45:00.000+01:00

Sjå nøye på bilda og tenkj på kva det kan vera. Det ljosaste garnet er av eit lite dyr, og eg hadde aldri i livet tenkt på at ein spinn garn av denne ulla/pelsen. Det mørkt brune garnet derimot kan eg skjøna når eg ser ulla på dyret, men at det var sjå mjukt å deilig det hadde eg ikkje trudd.

Vi fann det på ein liten butikk ved Grovely station på the Ferny Grove line i Brisbane som heiter Yarn Over. Dei har ein nettbutikk også. Nett dette garnet kjem frå Lotus yarns som er eit kinesisk merke. Dei har spesialisert seg på naturlege fibrar og luksuriøse fibrar.

Den lyse er altså Mink - ja, nettopp - 100% mink. Det er deilig og mjukt. No drøymer eg om å finna eit mønster på noko som ser ut som ein mink stola.

Den andre er tibetansk yak. Det er tynnare og supermjukt, litt som cashmere som er det blå garnet.

Nokre av bilda var tatt på ein gardeniabusk. Vakre blomar som luktar heilt himmelsk og som alltid minner meg om Omara Portuondo og songen Dos Gardenias para ti.

Godt nytt år og takk for det gamle

2012-01-03T23:58:00.000+01:00

46 ferdige prosjekt i året som gjekk (øh, naboen hadde 40 stykk ferdige strikkegevantar ferdig berre til julemessa....). Vanskeleg å måla seg med nabo-besta når det gjeld strikking. Det eg har laga mest av er halsar. Heile 11 stykk faktisk. I tillegg skulle eg prøva meg på 11 sjal i 2011, men kom ikkje lengre enn til 8. Slettes ikkje verst det heller sjølvsagt. 12 av prosjekta er til barn, og 6 skal ein ikkje ha på seg. Det største prosjektet var heilt klårt Still light tunikaen. Eg bruker den stadig vekk.

Her går det i vidare rydding. I dag gjekk alle utgåtte bruksanvisningar og mobilladarar for eit heilt tiår i bosset. Hadde eg ikkje vore hekta på backgammon på iPad'en så hadde eg sikkert fått gjort endå meir.

Kva har eg på nattbordet?

2011-12-31T15:38:00.000+01:00

Starlet frå 80-talet som ikkje har ligge i flyttelassa mine, men som eg derimot kjøpte i rein nostalgi på ein loppemarknad. Det er også ein del gamle interiørblad og eit eller anna Elle, eller noko slikt. I tillegg "Sara og bølla", litt Albert Åberg, "El club de los viernes" (den strikkeromanen frå New York som eg trur eg har blogga om for lenge sidan og aldri får lest ferdig fordi eg ikkje orker å lesa når eg legg meg), Ann Oakley "Essays on women, medicine and health" (høyrest veldig intelektuelt ut ikkje sant. Vel eg har kome halvegs, men eg lånte den for over tre år sidan av sjefen... Leste faktisk i den på toget så no er det berre eit par essays igjen). "Naturlig sland" av Fedon Lindberg har eg flytta opp i hylla igjen. Kan jo ikkje lesa slikt i jula.
Kva har du på nattbordet?

I ryddesjauen har eg også fått meg nytt nattbord. Det fann eg på loftet i bygården. Meiner å hugsa at vi sparte det i den store oppryddinga i vår fordi eg ville ha det, men viss nokre naboar les dette no og meiner det er deira og at dei vil ha det tilbake så sei endeleg ifrå. Legg elles også merke til den gamle skuleplansjen eg fann på ein marknad i Trikkehallen på Møhlenpris. Hugsar godt desse historiske plansjane frå skuletida mi på slutten av 70-talet.

Snart er det nytt år. Håper alle får ein fin kveld og eit innhaldsrikt og positivt nytt år.

Den store julesjauen

2011-12-30T01:26:00.001+01:00

Dollie, Drama, tyskprøver, avlagte retningslinjer for hormonsubstitusjon etc.

Husmorferien min i romjula har endt opp i den største ryddesjauen på fleire år. Litjpia er i Oslo med bestemor så alt såg til rette for fred og fryd. No skulle ikkje juletreet, men alt barnestæsjet ut av stua. Køyeseng skulle kjøpast inn, og eg forsøker å få orden på livet mitt. Sånn, vi putter alt vi ikkje veit kvar vi skal gjera av i ein boks.

Måtte berre rydda ut av mitt eige rom fyrst for å skaffa plass. Herregud, kva er det ikkje eg har spart på. Norsk Målungdom sine lover frå tidleg 90-tal, litt møtepapir, gamle medlemsblad - UT. Eg har ikkje trong til å vera noko fjernarkiv for diverse organisasjonar. Tyskprøvene mine frå 1989 (?)!!! Korleis kan eg finna på å spara på det? Dei har i tillegg vore med på flyttelasset til to ulike stader i Oslo og to stader i Førde før det har kome hit. I tillegg til eit utal av førelesingsnotat frå studiet med sikkert forelda medisinsk kunnskap. He, he, ikkje minst lovprisinga av hormonsubstitusjon frå ca 2000. Men eg klarte altså framleis ikkje å hiva mine sirleg nedskrive kompendium over patologien. Opp til fleire medisinstudentar i Oslo har kome seg gjennom den eksamen eine og åleine på det kompendiet. Det var altså den einaste gongen eg har gått så grundig tilverks. Har også funne mor mi og tanta mi sine singelplater frå 60-talet med Paul Anka (får meg til å tenkja på Anna), Chubby Checker etc. Merkeleg nok har ingen stått på telefonen for å få dei. Endå merkelegare er det at ingen av mine Facebook-vener har bedt om å få tilsendt kassettsamlinga mi med Dollie, Drama, Princess, Donna Summer og øh, "De syngende husmødre" (korleis i alle land og dager kom dei inn i mi samling?).

Etter veldig god hjelp frå naboen så har køyesenga eg kjøpte på IKEA kome seg opp i leiligheten. Den vog 55 kg fordelt på ein stor pakke. Litt krisekjensle då eg sto i striregn ute på IKEA og ba tynt om hjelp til å få den greia opp på taket av bilen. Eg fekk den nesten ikkje ned av sjølvbetjeningshylla. Lurte verkeleg på om eg hadde tatt meg vatn over hovudet - og bokstaveleg tala så kjendest det slik ut med alt det regnet. Sidan eg sto i over eit kvarter i kø nede ved Eidsvåg og heile turen heim tok nærare ein time (burde ta 10-15 min) så var pappeska gått i oppløysing. Der sto Sergio og eg med ei køyeseng i utallige delar. Dagens ridder tok sjumilssteg opp trappene til 4. etasje utan heis slik at vi fekk alt i hus. I tillegg hadde eg sjølvsagt alle desse kassene som no skal organisera livet mitt samt ein poste frå Stoff og stil med stoff til å trekka den gamle rammemadrassen til Litjpia som no har vorte til ekstra sofa på stua. Den står inne i ein vindaugsnisje, men eg tykkjer kanskje det vart litt vel mykje møbler her inne. Uansett vart det fint med alle putene. I tillegg så vart dei jo nesten tomt i den andre enden etter alle leikene.

På rommet mitt har eg hive ut den gamle pulten frå IKEA som eg kjøpte i 1995 og som ikkje har vore i bruk anna enn som lagerplass sidan 2000. UT med han. I staden henta eg ned den gamle stumtjenaren frå førre århundreskifte som ei veninne har etterlatt i min varetekt. No har alle hattane og veskene kome på utstilling. Flott å sjå på, men eg har ein mistanke om at det snart kjem til å vera fullt av støv.

Drøm søtt, eg skal kvila på mine laurbær etter at eg har båre ned ein del søppel og flytta gamle møblar på loftet.

Morris & sons

2011-12-29T01:02:00.000+01:00

Moderen rakk berre så vidt å installera oss på hotellet før ho fann annonsen til Morris & Sons i hotellet si guidebok. Dei er leiande i garn og handarbeid i Australia. Stor forretning i to etasjar med broderie oppe (som vi hoppa glatt over) og strikking i underetasjen. Og no snakkar vi sjølvsagt Sydney. Rett ved sida av Queen Victoria galleries.

Vi budde ved Darling Harbour og tok Monorail til Queen Victoria Galleries før vi bukserte oss ned på gateplan og kunne hoppa over på gratisbussen. Vel, det var etter at vi hadde fyllt på garnlageret.

Ok, så gjekk vi ein smule amokk. Det er jo ikkje det at dette garnet var så mykje billigare eller betre enn det vi har heime, men det er jo gøy å prøva noko nytt som er merka australian wool. Så no har eg altså ein stor bærepose med australsk garn i korga.

Mor mi er galnare enn meg. Vi måtta kjøpa ein ny bag for å få plass til alt, eller eigentleg fordelt vekta utover. Kvar koffert kan berre vega 20-23 kg. I tillegg høyrde vi jo om smørkrisa og kom heim med to kg smør i kofferten.

Australiastrikkejulegåver

2011-12-26T08:58:00.000+01:00

Fekk strikka litt på ferie også. Deilig garn dette Silk garden frå Noro. Vi var jo lettare animerte då vi fann den fyrste garnbutikken i Australia i denne vakre, vesle byen oppe i the Dandenongs - Sassafras. I Sassafras wool store.

Bulky greier med lange fargeskift heldigvis. Eg er ikkje så glad i korte fargeskift, men tykkjer det kan vera ganske effektfullt med lange. Men kva strikker ein eigentleg av slikt? Det vart nokre halsar. På eit par av dei laga eg ei holrand kvar 20 omgang og på den siste la eg opp 31 masker og slapp ned kvar fjerde maske. Hadde nesten gløymt kor enkel den effekten var.

No er gåvene farne til Oslo med toget. Vel, det var fullt av bussar på stasjonen i dag som skulle til Voss og ventande tog. Det er kanskje Dagmar som har laga problem i natt.

I år var det berre Litjpia, mor mi og eg som feira julekveld i lag. Veldig herleg for dei vaksne, men Litjpia klaga på at det var lite ungar. Spesielt deilig er det med tanke på gåvesermonien. Vi unngjekk gåvejunkien. Ho tok seg god tid mellom gåvene og vi vaksne måtte skunda på litt av di eg var redd for at ho skulle somna. Vi har trass alt jetlag her i huset og underteikna hadde tatt imot fleire barn i løpet av natta - ikkje i ein stall vel og merke. Så avslutta vi kvelden ganske så upedagogisk då den trøytte mora skulle oppdra den trøytte dottera i korleis ein takkar ordentleg for gåver.

No har den trøytte mora 4-5 dagar husmorferie og har tenkt å strikka, sjå på TV og omorganisera barnerommet.

Heim til jul

2011-12-23T15:08:00.001+01:00

Då har vi landa frå ein super ferie i Australia. Melbourne, Brisbane, Sunshine Coast, Gold Coast og Sydney. Nesten alt av familie er besøkt. Det var utruleg kjekt. Eg budde i Brisbane for 23 år sidan og denne gongen møtte eg så og seia alle saman også nokon eg ikkje hadde sett på 23 år.

Mor mi var overvelda over endeleg å koma seg til Australia og møta alle dei eg har snakka mykje om. No sit vi her med jetlag og skal feira jul. Sjølv skal eg hiva meg i bilen og koma meg på Kvinneklinikken for å ta imot årets julebarn. Då vi kom heim i går så var huset ferdig vaska og pynta. Det var utruleg herleg - nesten så eg må fella nokre tårer så rørt er eg. Verdas beste Besta og nabo.

God jul! Eg kan lova ein del info om strikkelivet og garn i Australia.

Dandenong

2011-12-10T23:23:00.001+01:00

Prøver å laga eit innlegg via iPad, men truleg har eg ikkje heilt oversikt over knottologien. Vi var i alle fall oppe i Dandenong utanfor Melbourne for å køyra damptog. Mor mi meinte det var den beste utflukta for tre generasjonar. Alle var godt nøgde då vi kunne sitjabog henga på vindaugskarmen og Litjpia vart ein liten maskot i vogna vår blant kineserar og andre asiatar.Midt oppe i alle antikvitetar, leiker, honning, te og såper så gjekk mor mi og eg rett mot ullbutikken. Fann denne japanske ulla med 50% ull, 30% angora og 20% silke. Dei hadde ein del tweed frå Rowan og Malabrigo også, men det hadde vi jo sett før.

Santa wonderland

2011-12-09T12:00:00.001+01:00

Lite strikkeaktivitet for tida. Tok med strikkety til Australia, men det vert lite av det.

Mor mi er kjend for aa ta med seg regn kvar ho enn reiser. Ho besoekte meg to veker i Valencia i Spania daa eg studerte der og opplevde to veker med regn. Heilt out of the ordinery. Dagen foer vi kom til Melbourne hadde dei 28 grader. Den dagen vi kom falt det til 14-18 grader. Fyrst siste dagen fekk vi full varme og sol. Trudde Brisbane skulle verta betre, men daa fekk vi den kaldaste desember i manns minne. I tillegg har det vore veldig vaatt. 106 mm paa Coolangatta Beach der vi skulle vera. Vel, vel, uansett saa er det jo varmare enn heime og i dag fekk vi sol.

Dei er ivrige paa juletrelys og figurar i hagen her nede. Rett rundt hjoernet fraa der familien min bur har dei den fleiraarige vinnaren. Han har ein stor hage og lar folk koma for aa sjaa juledekorasjonane deira. Det var parkerte bilar langt ned over gata og tjukt av ungar. Himmel og hav. Det var saa vanvittig at det i grunnen var goey og Litjpia elska det sjoelvsagt.

I made his day and could truthfully say we do not have anything resembeling this in Norway.

Enjoy.....

Vottetid

2011-11-25T20:46:00.001+01:00

Og julegåvetid. 32 masker på garn med ca tjukkelse som vamsegarn og ein enkel tommel utan å auka frå ribbekanten til tommelen. No får restegarnet svingt seg.

Burde vore flinkare til å strikka slik småstrikk. Besta vår i etasjen under har den siste drøye månaden kome opp i ca 50 stk vottar, halsar og luer som ho skal selga på marknaden i Ulvik i helga. Ein imponerande produksjon. Det er langt frå det eg har klart å få til. Håper det kjem riktig mange til marknaden i Ulvik i helga.

Elles driv eg og pakker før australiaturen. Lurte på om eg skulle skriva ein haug med julekort også, men lurer på om eg ikkje heller skal prioritera å strikka :-).

Oppdatering på Fanaboleroen

2011-11-19T23:48:00.001+01:00

Som strengt tatt ikkje lenger er nokon bolero som de kanskje kan sjå. Eg fann ut at eg er for tjukk på midten til å ha lyst på bolera. Det er deilig å skjula magen. I alle fall forsøka å skjula den.

Det går altså framover. No også som vest. Som de ser så har eg lagt til dei same firkantane på bærestykket som på ermene og i tillegg lagt til ein god del ekstra striper for å få betre lengde. Eg har faktisk strikka tre grøne og tre kvite striper før eg byrja å skrå over bringa.

Når eg no sit her med denne vesten så fekk eg faktisk lyst til å strikka meg ein lekker vest også Ysolda har fleire eg liker.

Snart går heldigvis turen til Australia, og eg byrjar så vidt å få hovudet over vatn, men berre så vidt. Framleis har eg ein del ting som skal i mål, men vår fantastiske besta i etasjen under har lovt meg husvask medan vi er i Australia i julegåve så då roer eg i alle fall ned den nerven litt. Fantastisk julegåve! Skuldrene letta mange hakk.

God natt i stua og framleis god helg.

Hidden igjen

2011-11-12T22:29:00.001+01:00

Trass i at eg ikkje er heilt sikker på kor nøgd eg er med måten ein auker på til dette sjalet sidand det liksom ender med å "krympa" litt nedst så har eg altså strikka eitt til. Eg liker nemleg veldig godt den bølgekanten nedst. Kanskje må eg modifisera og laga mitt eige mønster. Denne gongen har eg brukt Drops alpakka (sennepsgul) og babyull frå Gjestal (brun). Mønsteret er altså Hidden in the forest av Veera Välimäki.

Det er ikkje alltid like enkelt å ta fine bilete i november i Bergen, men no har vi jo fint vær for tida. I tillegg har Litjpia plutseleg vist interesse for å vera modell. Det er verkeleg noko nytt. Kanskje ho var mest opptatt av å få merksemd frå mora som hadde vore meir enn busy og ein smule avvisande i forkant. Papirsortering, rydding, husvask - blæh for store og små.

PS: legg merke til den fine kombinasjonen med badedrakt og stiliongs. Vi prøver ut feriegarderoben.

Elles er det lite tid til blogging for tida. Litt stressa for å få i mål ein del ting før vi hiv oss på flyet til Australia om eit par veker. Eg skal på kongress og Litjpia med bestemor som barnevakt skal vera med.

No har eg bestillt julekort, men lurer jo på kva slags prioritering det er frå mi side. Skikkeleg krampetiltak sidan vi kjem heim to dagar før jul, men det er vel greit å senda slike kort på litjjulkvelden og?

Tunisia - ull eller tull

2011-11-05T21:41:00.001+01:00

Var det ikkje Expertreiser dei heitte dei som hadde superbillige turar til syden på 90-talet? Vi rakk så vidt ein tur til Tunisia før dei gjekk konkurs og fleire flylass sto fast rundt omkring.

Bra tur. Vi rusla oss også inn i nokre bakgater og fann ein høgst lokal utsalsstad som mellom anna solgte dette garnet. Det er ganske røfft spunne og ujamnt med rusk og rask stikkande ut både her og der. Eigentleg trur eg det er til bruk i kelimtepper. No er eg jaggu ikkje sikker på om det er ull. Det har litt uklår tekstur. Vel, uansett så har eg no strikka eit slags teppe som i utgangspunktet skal tovast.... så då får eg i alle fall svar på ullkvaliteten.

Eg har ein del garn igjen og håper inderleg at det kan tovast, men det gjer seg ikkje så verst slik det er no heller. Målet er å produsera sitjeunderlag. Besta vår har hatt besøk av niese Stine frå Svolvær som lager nokre aldeles nydelege og smarte sitjeunderlag. Det er altså ho vi prøver å etterapa.

Elles går det mykje i kursing for tida. Epidemiologi, puh, det er i grunnen ganske vanskeleg og himla mykje statistikk. Odds ratio og relativ risiko, eg kjenner meg halvt hjelpelaus. I tillegg køddar iphoto med meg så eg får ikkje redigert bileta så her ser det mine fantastiske bilete frå stova ein sein, sur laurdagskveld.

Kva snakker ein med jenter om?

2011-10-27T13:44:00.001+02:00

BIFF er over og ut for denne gong, og trass i nydeleg vær i Bergen så fekk eg heldigvis med meg nokre filmar. Den siste eg såg var Miss Representation. Filmen ser på den utrulege makta som ligg i media og korleis media portretterer kvinner og på den måten oppdrar våre barn til å sjå på kjønn.

Kvinner vert stadig meir objektifisert og fokuset på kropp og utsjånad har på ingen måte vorte redusert. Vi har mote og sminke for førskulebarn.

Men det er jo diverre ikkje berre media. For kva seier vi til jenter? Via Ylvalias univers fann eg denne bloggposten og linken til Lisa Bloom How to talk to little girls. Må diverre innrømma at jenter oftare enn gutar får kommentarar på kleda sine eller hårfrisyren sjølv om det og skal seiast at det å kommentera ei leike eller figuren på genseren til gutar også er ice-breakers. Men eg er heilt for å generelt ta fokus vekk frå klede og utsjånad og heller over på bøker.

Gamalt plagg - ny eigar

2011-10-23T00:51:00.002+02:00

Har rett som det er vore inspirert av Kaffe Fasset også då eg strikka denne dressen i 2007. No har den kome i retur og har vorte nett passe stor til Litjpia.

Ho kledde han utruleg godt og har på dette biletet vore grei med mor si for eigentleg tykkjer ho dressen er for babyar. Etter å ha fått mykje skryt for han i løpet av dagen frå fleire så er det lov å håpa at han kan verta brukt i barnehagen i vinter.

Eg nyt kvart eit minutt ho går med han og heldigvis har vi arvtakarar slik at strikkeplagga vert brukt av meir enn eitt barn. Nett dette plagget lurer eg også på om ikkje skal få lova til å koma i nostalgibunken slik at det kan dukka opp i seinare generasjonar også.

Fritt etter Fana

2011-10-17T19:10:00.000+02:00

Sidsel J. Høivik har laga nokre fine boleroversjonar av både Fanakofta og Setesdalskofta.

Eg har sett på dei tidlegare, men no fekk eg plutseleg ånden over meg og smatt innom Husfliden i dag for å handla Finullgarn.

Valet fall på Fanakofta. Kunne jo ikkje verta anna når eg trass alt bur i Bergen.

Eg har så vidt kome igang og her ser de fargevalet. Hovudfargane er ubleika kvit og mosegrøn.

No maser Litjpia om at ho og vil ha. Enno er mor den største helten.

Småstrikk

2011-10-15T19:33:00.000+02:00

Veka gjekk frå pest til fest.

Influensasjuk og sjølvmedlidande start på veka. Stakkars Litjpia som hadde ei så slapp mor. Då eg korkje hadde matlyst eller orka å strikka skjøna eg at det sto skralt til. Så produksjonen var nær null, men heldigvis sveiv feberen langsamt ut innan onsdag. Litjpia gjekk på legd til ymse av sine vener mine vener var stort sett på haustferie.

Onsdagen derimot fekk vi storinnrykk av ei veninne av meg med tre ungar. Sola skein og det vart ein super haustferie på Fløyen, kanopadling på Skomakerdiket, masse leik med store jenter (5,5 år) og ein storebror (8 år). O lukke! Det er desse tvillingjentene som forer oss med stort sett alt som finst av klede og sko. Så då er det jo på sin plass å gje ei lita strikkegåve tilbake. Eg er litt monoman når eg fyrst har funne ei oppskrift som fungerer så då vart det den same halsen på nytt.

Elles prøver eg å strikka opp restebomullsgarnet. Dette garnet er noko greier frå 80-talet. Mjukt og godt, men øh, ganske mykje overskotsfarge.....

Ha ein god laurdagskveld!

WOW-hekling

2011-10-11T13:34:00.002+02:00

Dette er reine kunstverk. Utruleg kva nokon får til.

De finn det hjå jungjung

I am speechless.

Sjekk det ut sjølve.

Varm hals

2011-10-09T15:42:00.001+02:00

Litt småstrikking må til på hausten. Det nærmar seg jul og i barnehagen bør ein vera varmare kledd etter kvart. Dessutan går det jo raskt unna. Denne gongen er det Litjpia og bestekompisen som har fått seg kvar sin hals.

Oppskrifta fann eg på Ravelry og den er frå Drops.

Eg har moderert den ein god del av di eg bruker pinne 3 og eit tynnare garn så eg la opp 90 makser, strikka 7 omgangar, 11 omgangar og 11 omgangar i staden for 4, 6 og 6.

Garn: Babyull frå Gjestal kjøpt på Sparkjøp.

Hidden in the forest

2011-10-05T19:33:00.002+02:00

Ligger litt dårleg an til å nå 11 sjal i 2011, men er i alle fall oppe i 6 stk så langt. Siste sjal er Veera frå 100% Rain sitt Hidden in the forest. Ho har jo nokre veldig populære oppskrifter på Ravelry slike som Still light tunik med 565 prosjekter og Striped study shawl med 1385 prosjekt. Båe har eg strikka tidlegare. Her har de tunikaen og her er sjalet. Denne gongen er eg ein av dei ti fyrste til å strikka sjalet så får vi sjå om denne oppskrifta vert så populært som nokre av dei andre. Eg kjem i alle fall til å strikka fleire.

Eg har stort sett nytta restegarn til den rosa delen og noko prøvegarn til det kvite. Det er nok litt tjukkare enn garnet Veera brukte så eg gjekk opp i pinnestorleik.

Vel, vel, det er ikkje så lett å ta bilete i haustregnet. Viss de ser nøye etter så ser de at eg har på med Still light tunikaen :-).

Hausttradisjon

2011-10-03T01:47:00.001+02:00

Er det når noko har skjedd i alle fall to haustar på rad. 5 vaksne og 6 barn på plass på Tysso i helga. Denne gangen funka doen og regnet var bytt ut med indian summer. Fantastisk flott helg med gode, gamle vener.

Det vart fiska ein lyr, makrell og brokkoli - squashen glapp av kroken.

Late dagar på kaien, rosene vart klypte og ugrass luka av beddet. Då er eg nøgd.

Litjpia har gått sin fyrste fjelltur!!! Mor er imponert for det var mange trapper og langt å gå for ei jente på 92 cm. Sjølvsagt hjelper det godt å ha selskap av 5 andre flotte ungar som syns at det er gøy å leika med ei lita jente.

Elles stakk eg ein kjapp tur innom Fretex i Åsane på vegen og fann endeleg eit nytt bord til stova som kan ta over etter det alt for låge forsamlingshusbordet som sto der frå før.

Cherry blossom to go - ferdig blokka

2011-09-27T12:54:00.000+02:00

Endeleg har eg fått strekt ut den derre krøllate filla som låg i sofaen og som eg har slitt over ein del kvelder. Umåtleg kjedeleg med omganger på 500 masker når ein må strikke vrang.

Som sagt ikkje spesielt begeistra, men så ser eg det plutseleg fiks ferdig blokka og då får pipa ein annan låt. Det vart jo skikkeleg lekker jo. Og det til tross for at oleanna-garnet var lit tjukkare enn garnet frå Tulliball.

Veit ikkje om eg hiver meg over eit så stort sjal ein gong til med det fyrste. Spissen når meg til under rompa og det må vera ca 2 m breidt for det er i alle fall godt breiare enn eg er lang. Derimot er det fjærlett, og det kan ein ikkje seia om meg. Med eit slikt nydeleg, tynt garn så må det naturleg nok vera lett. Eg brukte ikkje opp heile nøstet ein gong så det veg under 100 g.

Her ser det blokking frå bokhylla. Judith etterlyste bilder frå bokhyllene vår. Vel, her har du mi. Eg sverger til Ivar-hyllar i rein nostalgi i tillegg til at eg tykkjer dei er passe røffe og ujålete. Her er det engelsk litteratur for seg, spansk i eit hjørne, krim for seg, feministisk litteratur, songbøker, historie, teikneserier (eg har komplett serieheftesamling av Modesty Blaise) i tillegg til skjønnlitteratur, DVD'ar og leiker.

Ha ein strålande dag og kveld, eg skal avgarde på jobb.

I påvente av blokking

2011-09-26T15:43:00.000+02:00

Eg har strikka eit sånn derre lacesjal Cherry Blossom. Kan ikkje seia at det var den artigaste strikkinga eg har drive med. Puh, det var i grunnen ganske langtekkeleg. Trur derimot at resultatet ikkje er så verst. I alle fall var ei veninne av meg veldig begeistra. Vi får sjå, no må eg sjå til å blokka det.

Elles held eg på med Hidden in the forest av 100% rain. Det er derimot herleg strikking. Trur det var alle desse langtekkelege vrangomgangane som tok knekken på meg.

Til helga skal vi på hytta med vener. Her ser det den eine stova. Ikkje fullt så gul og brun som tidlegare. Det vart kjempelyst etter at eg mal golvet grått og veggane kvite.

LItt høstleg melancoli i regnværet

2011-09-22T15:33:00.000+02:00

Mine, dine osv barn har i grunnen ein viss tradisjon i vår familie. Difor har eg rikeleg med erfaring når det gjeld ein brokut familie og er lite opptatt av blodsband og genetikk. På same tid er eg skikkeleg opptatt av familie og slekt sidan bestefar min (morfar) fora meg med kunnskap om 5. menningar osv frå tidleg alder.

Men på same tid er genetikk uvesentlege detaljar, og det passer sjølvsagt bra når litjpia er frå Etiopia og besta er naboen som vi har adoptert osv.

Sidan farmora og farfaren min vart skild tidleg har far min også både stesøsken og halvsøsken. Det gir eit utal av syskenbarn. Farmora mi var veldig glad for bonusdøtrene sine så eg har nok sett meir til dei enn halvsøskna til far min på den andre sida.

Her er i alle fall min spansknorske fetter NICO STAI (altså ste eller bonus eller kva du no vil kalla det) som bur i USA. Det viser seg at han lagar strålande fin musikk.
(Hmpf, eg forsøkte å embed denne songen, men det vert berre svart skjerm.....)
(Yes, det handla om å bruka gamal embedkode og kanskje mac.....)

Namnet Stai er frå Østerdalen.

Hugs auksjonen for Afrikas Horn

2011-09-20T21:06:00.001+02:00

Hjertelill har snart fødselsdag og er då i mål med auksjonen sin. Målet har vorte auka til stadig høgare summar gong på gong og har snart viss ikkje allereie passert 10 000 kr. Slettes ikkje verst. Ære vere Lill og alle dei (øh vi) som har bydd og bidratt.

De kan framleis nå å vera med. Nett no ligg det auksjon ute på mellom anna dette som de ser på bileta.

Jøss, eg har fått brukt symaskina

2011-09-18T22:29:00.000+02:00

Hugser nesten ikkje sist. Trudde liksom eg skulle få tid til å sitja og sy på hytta når eg vart mor. Hallo, snakk om at ein har urealistiske illusjonar før ein vert mor.

No fyrst løsnar det. Litjpia har vorte 3 år og klarer endeleg å leika åleina - reint bortsett frå at ho helst skal gjera og læra alt eg gjer sjølvsagt. I helga har vi hatt besøk av fleire barn. Dei har snekra (flagg ?), skrudd i skruer og elles halde på ein del for seg sjølve.

Ei pute i all mogleg juksestil. Har kjøpt eit stoff på Ikea med illustrasjonar, kroklisser og restestoff. Stripestoffet er også frå IKEA og det raude frå ein stoffbutikk på Grønland. No kan eg jo drøyma om ein større produksjon ein gong til neste år kanskje. Syr på hytta og strikker heime.

Strikking held ein jo på med av di ein kan gjera det kvar som helst og samtdig med at ein gjer anna som å sjå på TV, på toget, forelesing etc. Kor er den portable minisymaskina og syprosjektet som kan gøymast diskre ned under bordet?

I tillegg har eg endeleg brukt drillen slik at eg fekk på plass dei nye knottane til skapet. Kappsaga står endå og blømer for seg sjølv ute i boden, og den påtenkte sofaen har ingen sett.

Hotell Kvinneklinikken

2011-09-16T19:04:00.003+02:00

Vaktrommet held hotellstandard.

Som eg nemnde i eit tidlegare innlegg så tenkjer eg alltid på Oliva Joules til Helen Fielding når eg er på hotell og finn dopapiret bretta i ein spiss. Det siste skal liksom tilseia 4-stjerners hotell som nokre andre sa til meg i dag. Ha, ha, det er mange som drøymer om fleire stjerner.

I 5-tida i natt kunne eg endeleg få lagt meg litt nedpå etter ei ganske så travel vakt så langt.

Dette var altså det fyrste eg la merke til inne på badet!

I tillegg låg det ein fint bretta handduk på senga (til vanleg er ein heldig dersom det ligg ein liten stable på skrivepulten). På dei andre bileta ser de kva 4-stjerners på KK i Bergen vil seia......

Dei mest multinasjonale yrkesgruppene på Haukeland er anten reinhald eller legane. Reinhald er nok absolutt å topp, og dei har også fått pris for godt arbeidsmiljø. Ein veit jo at det er mange godt utdanna som ikkje får jobb innan sitt fagfelt når dei kjem til Noreg. Eg har ein sterk mistanke om at det har vore ein hotellmedarbeidar av ypperste klasse på ferde i 4. etasje på Kvinneklinikken i går.

Kjære du gode reinhaldsmedarbeidar, du har stil og ambisjonar. Det liker vi.

Eg gjekk sjølvsagt inn til sjefane på reinhald på vegen heim og viste dei bildet til stor åtgaum.

Valdagsstrikk

2011-09-13T23:08:00.004+02:00

Dritlei av sjalet eg strikker og som vonleg snart er ferdig. Berre måtte ha noko som var raskt unnagjort.

Restegarn frå Sparkjøp og Dalegarn samt pinne nr 12 vart redninga. Vesten vart altså strikka medan eg vart meir og meir sur under valdagssendinga.

Ok, så var nedgangen til Frp ei STOR glede, men kva hjelper vel det når Høgre går så vanvittig fram. I tillegg er eg vakse opp i ein familie der Ap er rekna til høgresida. Så då skjønar de at valet var triste greier i mi lille verd. Berre på Møhlenpris gjekk SV ned med 6,2% til 10% og Raudt ned 5,1% til 8%. Det er altså min flotte, raude bydel eg snakkar om. No har eg rett nok alltid vore eit utskot og hatt ein hang til motkulturprosjekt osv. Mållaget, Kvinnefronten - ikkje nett massekultur i alle fall så eg ville neppe trivdes med å stemma i medvind (reint bortsett frå då vi vann EU-kampen sjølvsagt.)

Med mange vener i Sp er eg nesten betre stemt for dei enn for Ap, men eg er altså glad for Raud/grøn-regjering, og ja, Stoltenberg gjorde ein god jobb 22. juli. Får litt kjensla av Gro og Kåre-æraem reint bortsett frå at det no er Jens og Erna. Dei har til saman over 70% av stemmene så det er ikkje så mykje att til resten. Kjedeleg!

Vel, vesten er som de ser ikkje så avansert. 60 masker på pinne 12. Ved deling er det 17 på kvart framstykke og 26 bak. La også opp 17 nye masker til kvart erme og felte med raglanfelling.

Litjpia ropte Jippi då ho høyrde eg skulle strikke til ho og er nøgd med "Hello Kitty"-knappane eg fekk frå Monstermønster.

Håper på betre tider ved neste val!

(som de ser så er ikkje Litjpia heilt nøgd ho heller)

Fru juniorsuite

2011-09-07T22:20:00.001+02:00

Ok, no er eg altså på møte/konferanse. Sto opp alt for tidleg og avleverte Litjpia i Trøndelag før eg reiste til Ålesund. Hadde godt vær ein stakket stund på Værnes før det same striregnet og blæsten slo mot meg igjen i Ålesund.

Rommet var ikkje vaska då eg kom til hotellet, men det var verdt å venta på sa dei. I staden hadde vi møte på Polarbjørnen i 9. etasje på Rica Park Hotel. Der kan du nyta panoramautsikt av Ålesund frå badstua. Nei, vi hadde ikkje kollektiv badstu, men det var imponerande med einvegs glas mellom badstua og møterommet. Kva møter har dei eigentleg der opp til vanleg - i badstua.

Då eg endeleg kom meg til rommet mitt så viser det seg altså at eg har juniorsuite!!! Vanleg rom med digert bad som er større enn mange av dei bøttekotta eg har sove på i mi tid og i tillegg ei stue nesten større enn mi eiga heime. (og med panoramautsikt) Enno er eg i stuss over kva den oppreidde divanen/ekstrasenga klint opp i eit hjørne rett ved utgangsdøra er godt for. Passe malplasert. Må eg husa ein av dei andre konferansedeltakarane? Viss eg skal ha med meg nokon på rommet så er det neppe der eg skal plassera dei.

Når eg er på hotell og ser dopapiret bretta i ein spiss så tenkjer eg alltid på Olivia Joules and the Overactive imagination ei bok av Helen Fielding (ho som skreiv Bridget Jones). Ein journalist med litt overaktiv fantasi. Ho er også opphengt i hotell og hotellstandard og meiner at det er eit av dei viktigaste kvalitetsstempla om dopapiret er bretta i ein spiss eller ikkje. For å vera heilt ærleg trur eg alle små skithotell i verda må ha lese den boka for bretta dopapir har eg funne i dei mest utrulege loppekasser av nokre pensjonat i mange krikar og krokar av verda. Her er det også spissbrett, men i tillegg så er det L'Occitane produkter på badet. Ah, for ein herleg duft og ja, eg har allereie putta fleire såper i kofferten og vurderer å stikka unna litt shampo og bodylotion for å få meir.

No skal eg ta meg eit bad tudelu. Nyt kvelden de og!

Drøymer om betre vær

2011-09-06T22:35:00.000+02:00

Og prøver å planleggja kva eg skal ta med meg som strikkeprosjekt når eg no skal sitja på møte/konferanse i Ålesund i tre dagar til ende.

Lurer litt på om det ikkje vert sjalet Hidden in the forest av Vera Välimäki i sennepsgult. Buh, må vel gjera ferdig det andre sjalet fyrst også. Eg er ikkje av typen som har drøssevis av WIP liggjande rundt om kring. Det er meir snakk om ei moralistisk seigpining over det eg har på pinnane om eg skulle gå litt lei under vegs. Alt medan eg drøymer om komande prosjekt. Alternativt kan eg sjølvsagt ta med meg det eg har att av bomullsgarn og strikka kluter. Det ligg ei eiga glede i å tømma restekorga for garn. Noko av garnet trur eg faktisk stammer frå mor mi sine prosjekt på 80-talet. Det er noko litt ukurrant over det garne. Veit ikkje heilt om retro eller vintage garn er eit begrep.

Medan eg sit på kurs (og skal stå opp tidleg for å få med meg Litjpia på fly kl 06.40) så kan de få sjå litt av den strålande utsikta til fjorden frå Løtane på Tysso.

Dessutan må eg skryta litt over niesa mi som er ein resar på å finna firkløver. Eg har ikkje funne ein einaste ein i heile mitt liv. Ho finn fleire per dag viss ho gidd. Her er nokre frå årets sommarfangst.

Gamal design og strikk som politisk motstand

2011-09-04T21:01:00.000+02:00

Gjorde nett eit djupdykk ned i nokre gamle posar og fann at schlägeren min frå tidleg 90-tal. Eg laga hauger av desse luene. Det skulle jo vera ein brei brem som vart bretta opp og gjerne festa med ei nål på den tida. Trådene er ikkje festa og eg gidd ikkje å gjera det no heller før moten bles den vegen igjen. Elles kjenner eg at den er god og har god passform.

Tenkj det er snart 20 år sidan. Mellom anna sat eg på den tida utanfor Stortinget og strikka mot EØS. Det vart laga eit digert lappeteppe som dekte heile muren framfor Stortinget hugsar eg. Ikkje det at det hjalp diverre, men ei kjekk form for markering av motstand. Under EU-kampen song eg i koret Stemmevett. Vi song mellom annan ein madrigal mot EU. Siste hausten var eg så forkjøla at eg song alt frå tenor opp til sopran på ei veke.

Elles har vi vore hjå "Leker og mer" i Lille Øvregate og høyrt på ein fornøyeleg versjon av Reveenka før Litjpia gjenoppsto som katten Korse.

På veg

2011-09-02T21:35:00.000+02:00

Nokre prosjekt tar berre litt meir tid og då er det litt lite å skriva heim om.

Nett no held eg på med eit sjal som heiter Cherry Blossom and Diamond Shawl. Garnet har eg kjøpt hjå Tulliball. Fargen skulle vera noko med vår eller kanskje lyng å gjera og det er vakkert, tynt og mjukt. Diverre er det litt for hyppige fargeskift for min smak. Eg liker i grunnen betre dei lange fargeskifta. Vel, vel, det ser greit ut for dette sjalet, men det vert meir kjensla av å bruke eit melert garn. Eg tykkjer alle dei vakre fargane som finst i garnet ikkje kjem fullt til sin rett når det er korte fargeskift av di det gir eit litt meir rotete inntryk. Litt rot i hop.

Ikkje så mykje spennande å visa på strikkefronten enno altså. I staden skal de få sjå bilete av den nye steintrappa eg laga på Tysso. Det var ei halvrote planketrapp som sto litt på halv tolv der frå før. Har trong til å skryta hemningslaust av meg sjølv. Det var tungt, eg kjende meg som eit skikkeleg arbeidsjern og eg tykkjer det vart skikkeleg fint. Naboen og ein av dei andre lokale karane har også måtta ta den i augesyn og var meir eller mindre tvunge til å koma med godord.

Perlende morro

2011-08-31T19:50:00.000+02:00

I staden for eit raudt sigøynerskjørt til lampeskjerm som gir eit litt vel raudt, nattklubbljos så har eg no perla meg fram til ein ny lampeskjerm til 1001 natt-sengene mine.

Sjølve skjermskroget kjøpte eg hjå Patina. Perlene er kjøpt på Panduro. Eg elsker Panduro - eg fekk nemleg spørsmål om eg var student! Så no ser eg ikkje berre ung og uskuldig ut, men eg fekk i tillegg studentrabatt - 15%. Trur smilet om munnen når ein vert spurt om legitimasjon er omvendt proposjonalt med alderen.

Eg elsker farga glas. Ville vore veldig lettkjøpt dersom nokon kom med glasperler til meg. Måtte berre visa fram denne vasen eg kjøpte sist eg var på Evanger hjå Patina.

Afrikas horn - eit lite bidrag

2011-08-29T00:14:00.000+02:00

Hjertelill har som eg barn frå Etiopia. Ho har starta ein innsamlingsaksjon til inntekt for dei hungerramma på Afrikas horn. Ein fantastisk flott tanke. No har eg nett vunne auksjonen på ei pute frå Borghildpia.

Eg er overlukkeleg over den flotte puta i lilla og grønt samt sjansen til å bidra på ein litt artigare måte til innsamlinga. Eg skulle gjerne hatt noko lekkert og nystrikka (øh, eventuelt gamalstrikka), men det er dårleg med lager her i huset. Ja, i alle fall lager på heimelaga ting og tang.

Så då slenger eg i staden inn eit av mange nett eg kjøpte i Iquitos i Peru. Dei er superstødige, robuste og fleksible i eit eller naturprodukt som truleg er noko vidjeaktig. Eg har brukt mitt mykje, og her er eitt av dei eg har i gåvelageret mitt. Håper nokon ser seg mon i det. Sjekk bloggen til Lill.

Nostalgi og kongelig

2011-08-27T20:11:00.000+02:00

Medan eg trottig strikkar vidare på eit sjal utan å ha så mykje å visa til så skal de få eit glimt frå oppgraderinga av kongesamlinga på do på Tysso. Huset er jo frå 1889 så vi tillet alle kongelege som har vore konge av Noreg sidan då. Mor mi har vore på skattejakt og funne bilete av den gamle svenskekongen. Er det han frå sardinboksane tru?

I tillegg eit ganske nostalgisk og lekkert forlovelsesfat av kongen og dronninga for over 40 år sidan. Ja, i år vert altså Märtha Louise 40 år den 22. september. Korleis veit eg det? Hah, jo fordi besteveninna mi då eg gjekk på barneskulen var født same dag - på ein offentleg flaggdag. Mykje moro med det. Eg missunte ho eigentleg den litt.

Kvar sumar er det dessutan marknadsdag på Tysso. Der kan ein finne mykje fint. Aktivitetar for ungane, lotteri, sal av handverk og loppis. Kom neste år.

Nyfødt-spøt

2011-08-22T23:20:00.001+02:00

Ah, då har mor til veslejenta som vart født i sommar sagt eg kan bruka dei bileta eg fekk tilsendt av ho på bloggen. Ei øranes lita fin vakkerdokke.

Eg tok utgangspunkt i Lillestakken igjen, men eigentleg er den vel så omgjort at det er spørsmål om eg kan påstå at det er same kjolen.

Eg strikka ikkje bølgekanten nedst, og la opp 160 masker. Fyrst strikka eg fem riller i rettstrikk før eg gjekk over i tre rett og ein vrang. Etter 18-20 cm snudde eg arbeidet slik at vrangsida kom ut og reduserte til 80 masker før eg strikka "beltet" slik som det er i mønsteret. Felte så mange masker som det står i mønsteret til kvar armhole. I neste omgang la eg på 36 masker og strikka tre riller med rettstrikk over dei til ermene. I neste omgang definerte eg midten på ryggen og strikka fram og til bake slik at det vart ein opning bak. Eg har brukt raglanfelling av di eg tykkjer det eller rundfelling er finast på babyar. Det gjorde eg av di eg ville bruka daisies som mønster. Det finn instruksjon om korleis å strikka dei hjå Pickles. Eg strikka sju rader med daisies og tre-fire omgangar til før eg sette av dei midterste fem maskene og felte ei maske i kvar side heilt til eg kom ut til raglanfellinga. Då plukka eg opp maskene i midten og ei for kvar felt maske før eg strikka tre riller med rettstrikk og felte laust av. Til slutt hekla eg ein kant rundt opningen i ryggen og laga 3- 4 hemper til knappar i ryggen. (hugsar strengt tatt ikkje om det var tre eller fire knappar).

Huva er ei hjelmhuve utan spissen foran og med tre rader med daisies.

Eg har brukt pinne nr 3, kvitt alpakkagarn og restegarn til fargane.

Korleis få ein liten halsopning lettast over hovudet?

2011-08-18T22:01:00.001+02:00

Då eg sleit med å få eit par gensrar over hovudet til Litjpia her om dagen så kom eg på det opplagte som eg jo har lært på jobb.

Som de kanskje har fått med dykk så driv eg mellom anna med fødslar. Då lærer vi at den minste hovudomkrinsen er når bakhovudet er den leiande delen - altså kjem fyrst ut. Bakhovudet vil her seia øvste del av bakhovudet og ikkje ned mot nakken. Litt større er omkrinsen når toppen på hovudet kjem som leiande del. Dersom panna er leiande så reknast det som umogleg å føda og ein håper hovudet vippar seg til eit andlet i staden sjølv om det også er litt stort, men altså ikkje umogeg å få ut.

Så då er altså knepet å tre genseren ned over bakhovudet. Går den ikkje då så må du forkasta genseren eller gjera opningen større.

Eg har også hatt gleda av å ta imot barn til eit par stykk eg kjenner litt i sommar. Så med ei slik ære måtte eg sjølvsagt strikka litt. Diverre har eg klart å senda ifrå meg både ein kjole og ei huve før eg fekk tatt bilete så då er det berre huva til ein liten pjokk fødd ca ein månad før termin som kan avbildast.

Frøken tant og fjas

2011-08-15T20:07:00.001+02:00

Då har eg tenkt å delta i ei av konkuransane til Moseplassen i gjen. Denne gongen er det det Frøken Rose 2011. Du kan melda deg på fram til 20. august. Denne gongen er det ikkje ein konkurranse, men ei utfordring med tanke på rosehavet og Utøya.

Rosa står utanfor huset mitt på Tysso. Det er ei klatrerose av typen New Dawn så vidt eg hugsar. Det var den fyrste og beste rosa eg fann på Plantasjen som eg likte fargen på. I ettertid har eg tenkt at det kunne vore kjekt med ei litt meir fargesterk rose i gult eller raudt, men då eg såg rosetreet i år vart eg bergtatt. Det har verkeleg bugna over av blomar i år. Dei kom i midten av juli og held på enno. Det er eit strålande syn. Eg sette ned treet for 4 eller 5 år sidan. Ikkje så lett å hugsa slike detaljar.

Ho heiter for anledningen Tant og fjas av di roser passer godt til nett det (som så mykje anna dei passer til).

EIn skal tidleg krøkast som god husmor skal verta

2011-08-12T01:57:00.000+02:00

Eg er ikkje nokon interiørbloggar, og dei siste par åra har eg vore litt kvalm og lei av interiørmagasin etc. Får liksom litt dårleg samvit og forbruksspøkelset hengande over meg.

No ser det derimot ut til at samvitet har tatt ferie igjen for eg storkoste meg med nokre interiørblad i helga og byrja leggja planer for hytta mi igjen. Det kan jo henda at det har med at Litjpia har byrja å leika sjølv slik at det vert meir tid til mors aktivitetar.... Hmf..

Sidan vi var to mødre og fire barn under 4 år på hytte åleine på sørlandet så vart det ikkje mykje tid til anna enn å halda ungane i ånde. Det var fyrst på veg heim at eg såg mitt snitt til å stikka innom Annas Rom. Så då fekk eg lagt igjen litt pengar fyrst og fremst til gåver, men jaggu forelska ikkje Litjpia seg i eit lite strykejern og strykebrett frå Maileg (ja, det er visst det den heiter den derre kaninen som har meir enn hjartet begjærer). Eg smelta heilt av ho som sat og strauk og strauk. Det har vore i stadig bruk både i bilen og heime.

Gode, gamle vener

2011-08-08T23:27:00.000+02:00

Då eg henta Litjpia i Addis hadde eg fått oppdateringar og bilete frå andre som hadde henta barna sine like før. Mellom anna frå ein familie i Kristiansand som henta bestevennen.

Det er framleis midt i ferietida for Litjpia og meg. Alt har vore noregsferie. Endeleg fekk vi sjansen til å reisa på ferie til Kristiansand. Så no har eg også møtt den artige guten frå bildene. Kjemien var tydelegvis framleis der for dei to ungane sprang rundt som om dei ikkje hadde vore frå kvarandre i to år.

Sprekt gjort av Hjertelill som er mor hans å invitera oss på overnatting utan annan kontakt enn blogging og Facebook. Veldig triveleg og vellukka. No håper vi på fleire treff.

Endeleg fekk eg tatt hagestua til Hjertelill i nærare augesyn - eg og ynskjer meg ei slik og med dei same fantastisk flotte putene og lappeteppa.

Her ser de Litjpia i den artige buksa ho fekk frå Lill.

Lillestakken

2011-08-07T22:59:00.000+02:00

Eg liker denne enkle og fine oppskrifta på babykjole. Denne gongen har eg laga ein "plissert" variant av skjørtet. Eg strikka tre rett og ein vrang som eg snudde med vrangsida ut. Tykte det gav ein artig effekt. Oppskrifta er frå Myk start.

Dette er tredje gongen eg strikkar kjolen. Litjpia var den fyrste som fekk og vi har brukt han mykje. Sidan det er sopass stor opning for armane sidan det er seler så kan kjolen brukast lenge trass i at han kryp oppover og ender opp med å vera meir som ein vest enn ein kjole.

Det har ikkje vore så mykje strikking i det siste, men vonleg tar det seg opp snart. Denne kjolen har eg strikka til dotra til ei veninne. Fine, vesle Gine.

Kjenner fred i hagearbeid

2011-07-28T22:38:00.000+02:00

Det har vore merkelege dagar med tøffe tak for mange - alt for mange. Den umiddelbare reaksjonen, samhaldet og viljen til ikkje å la terroristen sine håp og tankar få lov til å endra på ynsket og trua på eit fredeleg demokrati.

Rosene har vorte eit stort symbol. På hytta blømer den flotte klatrerosen min og fyller huset, hagen og livet med mykje venleik.

Då eg kjøpte huset for 5 år sidan så var hagen inkjeeksisterande. Det var berre ugras og litt skrap framfor huset. No bugnar det av blomar.

Folkehav

2011-07-25T22:19:00.000+02:00

Det kjendest godt å vera i byen i dag i dette folkehavet og fakkelbruset. Rørande og flott å sjå samhaldet og oppmøtet i regnet.

Dei oppfordra til å ta med blomar eller lykter dersom ein ikkje hadde faklar. I mangel på begge delar sidan eg er på jobb heile tida så fekk syltetøyglasa føter å gå på og mor mi sneik til seg noko i hagen i bygården.

Mållaust

2011-07-23T23:49:00.002+02:00

Det har vore eit rart og sjokkerande siste døger. I går ettermiddag byrja eg på vakt på Kvinneklinikken i Bergen, og rett etterpå kom dei fyrste rykta om ei bombe i Oslo. Uverkeleg, men diverre sant. Seinare gjekk det slag i slag med stadig verre nyhende utover kvelden og natta. På same tid hadde vi fleire fødande og var med på livets største mirakel og ikkje minst det største mirakelet i dei einskilde familiane gong på gong. Vakkert og vondt på same tid.

Noko av det mest sjokkerande var likevel då det var klart at det var over 80 døde ungdomar på Utøya. Då var det ikkje lenger eit politisk attentat, men ein kaldblodig massaker.

Det har gått mange tankar til dei som er direkte berørt. Heldigvis er alle eg kjenner i god behald.

Stolt over at akuttberedskapen er på plass når det trengs og at folk er klåre til å steppa inn og yta det dei kan.

Sommarkjole

2011-07-19T16:34:00.000+02:00

I den laaaange ventetida då eg gjekk og venta på å få henta Litjpia så for det ein del strikkeplagg mellom fingrane. Det gjorde dette plagget også. Eg skulle freista å imponera damene på barneheimen til å tru at ho kom til ein skikkeleg heim. No er det jo slettes ikkje sikkert at dei tykkjer strikkekjolar er det flottaste i verda, men ein blondeinspirert modell tenkte eg i alle fall var i rette gata. Til sjuande og sist viste det seg at han var alt for stor. Likevel var det den kjolen vi kledde på ho på siste flyet, rett før vi landa og velkomstkomiteen skulle få sjå ho.

No derimot er kjolen heilt perfekt og faktisk rett så søt.

Oppskrifta er frå Mandarin barn 0904. De finn oppskrifta på Ravelry her. Eg hugsar ikkje heilt kva storleik eg strikka, men truleg 2 år og heller ikkje kva for garn eg endte opp med.

Tid for vedlikehald

2011-07-14T22:49:00.000+02:00

Huset er som de ser frå 1889. Det er i alle fall det det står på steintrappa. Det var totalrehabilitert for ca 10 år sidan. Sjølv kjøpte eg det for snart seks år sidan. Mitt lille paradis på Tysso, Osterøy.

No har vi nett vore her i snart to veker med to nieser, mor mi og hunden Max. Dei fyrste par dagane var også ei veninne med sine tre ungar på besøk. Niesene frå Oslo reknar det som sitt ferieparadis.

Vi er stort sett der når det er Tysse-marknad og hugsar det som om vi har hatt finvær heile tida trass i at det regnar nærare halvparten av dei.

I fjor laga eg dokkestove av den vesle utedoen. I år gjekk eg laus på vedlikehald - det var på tide å få på eit nytt lag med beis. Veggane var sterkt falma og saug til seg væte. Ikkje visste eg at det er så mykje forarbeid som skal gjerast før ein kan beisa. Sist eg beisa/måla eit hus må vera nærare 30 år sidan og då klaska vi berre malinga på den gamle veggen. No skulle eg derimot skrubba veggane med kraftvask fyrst og så spraya på noko sopp og muggdrepande greier. Puh, eg er dritlei av å setja opp stige i ulendt/skrånadne terreng. Til slutt må eg seia at eg er strålande nøgd. Sjølve beisinga tok berre ein dag med hjelp av mor mi. Ho er ikkje god i høgda og heldt seg på dei lægste plankane. Ho er av typen som må krabba ut av Fløybanen av di ho vert svimmel.

Eg hadde vel ikkje vald denne høgblåe fargen sjølv, men ser ikkje nokon grunn til å endra på han heller av di det i sofall skulle kosta meg eit par målingsstrøk ekstra.

Fargen heiter Aftenstemning, og det er jo slettes ikkje verst. Elles er også huset omtala som blånissehuset.

Dream stripes

2011-07-04T21:13:00.000+02:00

Har klart å melda meg inn i "11 shawls in 2011" gruppa på Ravelry. Det kan jo halda hardt, men her er i alle fall nr 4 så langt i vår/sommar. Eg vart inspirert av Hanne og fann mønsteret på Ravelry. Det er eit gratismønster og er lett å følga. Rett nok så var ikkje m1r forklårt, og eg hadde ikkje sett det før. Youtube er fantastisk. Det finst nesten ikkje den strikketing du ikkje kan søka på og så har du ein forklaringsvideo.

Eg har brukt eit multifarga garn som diverre ikkje er rein ull, men det er mjukt og deilig. Det var fargane eg falt for sjølvsagt. Det heiter Lang yarns Tosca light og eg brukte pinne nr 4 for å få det lett og luftig.

Dette er fyrste gongen eg strikka noko soms helst lace-aktig, men det var jo ikkje så verst så eg får ta steget vidare til noko meir innfløkt neste gong.

Sjalet har allereie vore i bruk. Laurdag var det nemleg 20-årsjubileum for Follorussen-91. Det er utruleg kor lite folk forandrar seg i grunnen. Rett nok har nok dei fleste nokre kilo ekstra, litt vikande hårfeste, fleire rynker osv, men eg såg gjennom 20 år gamle briller og tykkjer det var som i går. Eit av mine beste minner er faktisk gruppearbeid med den faste gjengen Halvard, Vidar og Frank. Vi hadde nokre fantastiske diskusjonar.

Tubey

2011-06-20T18:59:00.001+02:00

Så var han ferdig, og eg er supernøgd. Han sit som støpt. Spesielt liker eg korleis han draperer seg over skuldrene. Ein del andre på Ravelry har klaga over at den vert posete over ryggen, men det er ikkje noko problem dersom ein lagar ein close fit for då strekker den nedre delen seg tilsvarande. Den er trass alt meir elastisk i breidda enn den øvre delen.

Eg må seia det var litt langtekkeleg å strikka dei to ermene i eitt, men alt i alt tok ikkje genseren så lang tid. Eg strikka i storleik large sidan det er min storleik, men gjekk ned i pinnestorleik til pinne 4. Truleg strikker eg ganske laust for erfaringa mi frå Still Light tunikaen var også at den vart større enn forventa.

Eg er ikkje så glad i sommarfuglermer og valde difor å strikka rettstrikk fram og tilbake nedst på ermene og så sy saman med knapper som berre er til pynt. For å få ein slags heilheit strikka eg også 10 riller med rettstrikk nedst der eg delte framsida og basida i to.
Som Du Bedåre har lagt merke til så har eg brukt ei stor sikkerheitsnål i fronten for å få til v-utringing. V-utringing er meir flatterande til meg. Enkel og reversibel løysing.

For dei som lurer så er altså dette linken til oppskrifta. Eg fann også ei omsetjing til norsk, men har ikkje brukt den så de får forsøke å søka på designaren. Det var slik eg fann den. Her finn de han på Ravelry.

Garn: Drops alpakka og Tynn alpakka frå Du store alpakka

Pinnar: 4 mm

Hekla brudebukett

2011-06-17T19:06:00.001+02:00

Valencia knits viste oss denne fantastiske brudebuketten frå eit bryllup i Portland. For ein fantastisk søt ide. Eg falt pladask og klarte ikkje noko anna enn å dela han med dykk.

Er det sommar?

2011-06-16T21:30:00.000+02:00

Det kan ein sjølvsagt av og til lura på. Difor går det heilt fint å strikka ullklede framleis. Strikker framleis på Tubey. Har no byrja på sjølve bolen og så langt er eg nøgd. Det var litt kjedeleg å strikka ei så lang strømpe som trengs for å dekka ryggen min og båe armane.

I mangel på eigne strikkeprosjekt å blogga om så viser eg heller den søte toppen mor mi har strikka og hekla til Litjpia. Viss været held seg slik det var på måndag og i dag så kan vi jo håpa på at den kan brukast i år. Tysdag hadde vi nesten vinter. Det er litt misstrøstig.

Har elles byrja eit massivt oppryddingsarbeid og arkivering av epostane mine. Det slo meg plutseleg at eg håper ein innfører arkivering i skulen no som alt vi produserer og får tilsendt skal inn på ei datamaskin. I tillegg håper eg touch-metoden vert innført på skulen. No sit jo alle med tastatur framfor seg, og alle skal nytta det i dagleglivet og på arbeid. Trur maskinskriving må ha vore det luraste valfaget et nokon gong har tatt. Det er ganske kjekt å kunne skriva utan å sjå på tastaturet.

Puh, skjønar de kor lite eg har å bidra med på denne bloggen for tida? He, he, vel min grøne genser veks og vonleg kan han ikkje nyttast før til hausten.

Tubey

2011-06-04T21:06:00.000+02:00

Har gått bananas på Ravelry og funne haugevis av ting eg kunne tenkja meg å strikka - til meg sjølv. Før har det vore mykje barnestrikk, men det er litt kjedeleg i lengda trass i at det sjølvsagt går rimeleg raskt. Ikkje minst sidan Litjpia får så mykje strikkating av bestemødrene at eg ikkje gidd å konkurrera med dei.

Vel, no har eg i alle fall funne eit nytt mønster på Ravelry og Knitty - Tubey. Eg strikker storleik L, men bruker pinne 4 i staden for 5. Trur eg må strikka litt laust med tanke på at L var aaaalt for stort då eg strikka Still Light Tunikaen. Så langt er eg i alle fall veldig nøgd med å ha gått ned i pinnestorleik for så langt har eg i alle fall fått den ynskte close fit som eg hadde lyst på til ermene.

Puh, det er ei ganske lang strømpe som skal strikkast til ermer og øvre side av ryggen, men det går rimeleg raskt heldigvis. Har også byrja å vinna over aversjonen min mot 5-pinnar også.

Pinnar 4

Drops alpakk - oliven-/mosegrøn

Dreieckstuch mit Blätterand

2011-05-31T21:08:00.001+02:00

Det er altså det sjalet heiter på tysk. Som de ser så har eg på nytt fått dilla og strikka to av same. Sjå boggposten før for oppskrifta på Ravelry. Garnet eg har brukt er Shetland soft frå Malsen og mor på pinne nr 5.

Denne gongen skal det til Dale som ein varm tanke til ei som treng det nett no.

I går feira vi treårsdag med full fest og stormande jubel. Veldig artig, men også høgst kjærkome når eg kunne leggja beina på bordet etter endt fest og rydding.

Litjpia var strålande fornøgd og har fått seg ROSA sykkel. Den har ho sykla på til og frå barnehagen både i går og i dag. Uturleg artig å sjå all denne entusiasmen.

Leafy shawl

2011-05-26T22:59:00.001+02:00

Som så mange andre lærte eg tysk på skulen. Kan ikkje seia at eg har hatt så mykje nytte av det, men til dette sjalet har eg altså vore på Ravelry og funne ei oppskrift på tysk. Vel, det var vel helst ein instruksjonsvideo. Den er lett å følga. Sjalet får ei fin rand med blad på den eine sida og er litt "skeivt". Har lurt på om eg skal hiva meg på bølga med å strikka 11 sjal i 2011. No har eg strikka to sjal så langt i år, og har allereie byrja på eit bladsjal til.

Garnet eg har brukt er shetland soft frå Malsen og Mor med pinnar nr 5.

Lette strikking som krev lite konsentrasjon. Perfekt for sommaren.

Learned German in school but can't say I have really had much use of it. Until now that is. I just made this shawl based on a instruction video in German that I found through Ravelry. Have thought about knitting the 11 shawls in 2011 and I am two down... Well, just started a third one based on the same pattern.

Summer cardigan

2011-05-21T18:41:00.000+02:00

Vi var så vidt innom sommaren her rett før 17. mai. No er det nesten vanskeleg å hugsa. Det er som eit vagt minne å rekna. Medan det står på så trur ein plutseleg at Bergen har vorte ein stad der det ikkje bruker å regna. Det trur visst yr.no også for i etterkant av ein finværsperiode så vert duskregn markert med tre dråpar på skya, nett slik det var under dei store skybrudda på hausten.

Vel, vel, eg klarte i alle fall å byrja på ein sumarjakke. Eg hadde jo dette Silkegarnet frå Idena som eg ikkje heilt visste kva eg skulle bruka til. No vart det ei jakke. Har fått litt dilla på å strikka frå halsen og ned ette Still light tunikaen. Det er makalaust greit når ein er usikker på om ein har nok garn.

Jakken er strikka på pinne 7 og med berre 4 fleire masker enn romperdrakta som eg strikka i silke. Den var strikka på pinne 4.

No fekk eg også brukt ein av knappane eg vann hjå Monstermønster. Ven, vakker, blomeknapp i tre.

Ha ei strålande helg. No skal eg i 40 årsdag.

I bought this silk yarn last year because it was a bit less than 2 dollars per skein (50g). The texture is pretty rough and it has been hard to find the right use for it. With the glimps of summer we had earlier this month I decided on a cardigan for my self. After knitting the still light tunika I love the top down approach. Especially when you have only a limited amount of yarn. So this is how far I got with the skeins i had. It is nice and light and still quite warm. A bit loose around the edges and the buttons are on the wrong side etc, but it works. Have a lovely weekend I am off to a 40th anniversary.

Arrival of the goody bag

2011-05-20T22:58:00.001+02:00

Strikkemagasinet varsla om Drops-sal. Eg gjekk fem på og har "blakka" meg på alpakkagarn. I dag kom godteposen i hus. I form av ein hentelapp per mail. Har de vore med på det før?

Snart må eg ha nye korger til alt dette garnet.

Etter "bli ny"-dagen min i Sandvika hjå Lone i "I am" så har eg endra fargepletten min litt. Eg har i alle fall kutta ut svart - i den grad eg har brukt svart - og slått meg på brunt i staden.

I was just made aware by Strikkemagasinet that Drops is having a sale. I couldn't help myself and now I have a big pile of new alpaca yarn in need of a basket and some needles.

Hipp, hipp, hurra!

2011-05-17T19:27:00.003+02:00

Ja, 17. mai! Det fekk litjpia kjapt ut av senga i dag. Årets største fest er no på hell, og humøret har vore på topp trass i regn og ein ballong som forsvann til himmels. Ikkje meir enn tre isar så det er jo ikkje til å klage på.

På bildet har litjpia på seg sin strikka trønderbunad. I år går skjørtet til litt under knea. Trur vesten kan halda eit år til, men truleg må vi ha eit litt lengre skjørt. Her finn de meir info om bundaden som mor mi har strikka. Ein tru kopi av trønderbunaden.

Skjønar forresten at eg er langt frå Trøndelag når ein nikkar og smiler til alle andre som har trønderbunad....

Håper alle har hatt ein flott dag!

Silkeguten

2011-05-16T20:17:00.000+02:00

Kjøpte silkegarn til 10 kr nøstet i ei restekorg i fjor. Fann denne oppskrifta via Monstermønster. Veninna mi som ikkje er ein like stor ullelskar som dei fleste av oss skal til Thailand ved juletider med vetleguten. Så då såg eg mitt snitt til å få brukt silkegarnet til noko fornuftig. Vel, det er litt stivt så eg er ikkje sikker på kor veleigna det er til sjuande å sist. Dessutan lukter det rå natur om ein skal seia det på den måten. Eg har brukt pinne nr 4-4,5 til dressen.

Knappane kjem frå knappeglaset eg vann hjå Monstermønster.

No har eg gått igang med ei jakke i same garn til meg sjølv, men denne gongen på pinne 7. Eg satsar på ei laus og ledig sommarjakke.

No sit eg og koser meg med nett-TV og ein av dei gamle filmane frå 50-talet "Ung frue forsvunnet". Har tenkt eg skal sjå heile samlinga som ligg hjå Nrk.

Vinnarlukke

2011-05-10T20:46:00.001+02:00

Monstermønster har nett feira 200 000 besøk på bloggen sin. Endå meir imponerande tykkjer eg det er å sjå 280 kommentarar på eit innlegg! Sjølv om det i tillegg til å ynskja Merete all mogleg godt og vel sidan vi koser oss med bloggen hennar var ein sjanse til å vinna flotte premiar.

Ta da, eg er faktisk ein av dei heldige vinnarane. Kven skulle trudd det? I dag kom den flotte knappesamlinga i hus i lag med eit veldig hyggeleg kort.

Kveldsljoset la liksom litt skodde over knappesamling, men eg kan avsløra at her er det ein STOR skatt i knappar. Spesielt fortjust er eg i dei store treknappane med ulike blomemotiv. Eg skriv difor under på at Merete har god smak.

TUSEN TAKK!!

Jippi - still light tunika to go

2011-05-05T18:53:00.001+02:00

Sat oppe i går kveld og gjorde ferdig Still light tunikane. Heldigvis er det sopass skarp luft for tida at eg ikkje smeltar i ein strikkakjole. Så i dag har eg fått mykje skryt for kjolen.

For dei som ikkje kjenner til denen tunikaen så finn de han hjå Veera og 100% rain.

De finn også oppskrifta på Ravelry.

Dette er det fyrste eg har strikka etter ei oppskrift på engelsk, og det gjekk jo forbausande lett. Veera lager gode oppskrifter som er lette å lesa. For fyrste gong skulle eg også laga prøvelapp, og ut frå prøvelappen så passa det heilt med oppskrifta. Det var berre det at når eg byrja å strikka så var det som på prøvelappen var 10 cm vorte til 12 cm så eg gjekk ned frå large til medium. Trass i det er det absolutt ein romsleg tunika og ikkje akkurat tight fit slik den skulle ha vore etter oppskrifta. Vel, vel, det gjer ikkje noko for den fell fint og er behageleg slik den er. Fargen er eg supernøgd med. Ribbekanten nede har eigentleg same masketal som kjolen sjølv. Då eg hadde strikka den ferdig så viste det seg at den var alt for laus og krølla seg oppover. Eg rekte den difor opp og for kvar 10. maske så strikka eg to saman. Sidan eg ikkje liker 3/4 ermer har eg vald å strikka ein lang ribbekant nedst på kvart erme.

Garn: Tynn alpakka frå Du store alpakka

Pinner: 3 mm

Snart ferdig

2011-05-02T18:58:00.000+02:00

No nærmar det seg med stormsteg at Still light tunikaen er ferdig. I mangel på noko anna så viser eg altså eit halvferdig produkt så skal vi sjå kva eg får til av betre bilete når den endeleg er ferdig. Det må nok litt damping til. Han ser rett nok litt sjøgrøn ut på det biletet her, men det er han så absolutt ikkje. Fargen har meir gult enn blått i seg. Eg er godt nøgd og strikker lange ermer i staden for 3/4. Har i grunnen aldri likt 3/4 arm. Det er liksom korkje fugl eller fisk.

Elles er jo ikkje akkurat varmebylgja og stormsolskinet det mest inspirerande strikkeværet. I dag derimot er det litt gråare utanfor og temperaturen gir von om at eg kanskje kan få brukt tunikaen på denne sida av sommaren.

I helga hadde eg fri frå både jobb og morsrolla. Det var FANTASTISK! og så fekk Litjpia ei betre mor igjen på sundagen. Fredag var eg ute på Jazzboks og laurdag såg eg "Helena og førkjene". Drivande godt show! Ho Helena Bremer får det til igjen. Dei som har sjansen bør ta seg ein tur til Førde 1. eller 2. juni og sjå sjølve.

Småstrikk

2011-04-28T20:06:00.000+02:00

Været er utruleg vakkert og lite strikkeinspirerande for tida, men ei god veninna har nett fått verdast finaste gut. Det er inspirerande.

Ho meiner at ein overdriver ullbruken på små ungar og at dei godt kan få lov til å ha på seg bomull.... Det er altså barnelegen si tilråding (ho er barnelege) så då måtte eg finna noko anna enn ull.

Eg har funne noko garn i ei restekorg som eg trudde var bomull, men det viste seg å vera 50% bomull og 50% bambus. Veldig mjukt og deilig er det i alle fall og heiter Luna frå Løve garn. Modellen er den same hjelmlua som alltid, men vesleguten har meir i vente.

Dei siste dagane har vi levd i Nygårdsparken saman med studentane og russen. Litjpia har allereie lært kva russekort er. Herleg, herleg med vår.

Oppskrift på livmorstrikk

2011-04-26T10:23:00.001+02:00

Tok ein sjekk på friends projects på Ravelry og fann oppskrift på livmor med eggstokkar hjå min kollega Ingrid. Biletet har eg lånt frå Ingrid på Ravelry.

Herleg. Kanskje ikkje den anatomisk sett riktigaste modellen, men no kan du altså enkelt strikka deg ei livmor. Det spørs om ikkje det vert gåva for gynekologen som har alt.

Her finn de i alle fall oppskrifta.

I tillegg har Judith gjort meg merksam på ein strikka versjon av hjernen. Den finn ein blant mange andre versjonar på Museum of Sicientifically Accurate Fabric Brain Art

Anatomisk strikk

2011-04-24T23:41:00.000+02:00

Som sagt før så er eg fan av kunstprosjekt på anatomi og kropp. Denne gongen kom eg over ein strikka versjon av mage-tarm-traktus. Spiserør, magesekk, lever, galleblære, tynntarm og tjukktarm. Slettes ikkje verst. På denne bloggen får du nærare kommentert innhaldet i strikkeanatomien.

Det har vore lite foto i påska. Fantastisk vær, sjuk litjpi, mykje kos og no nærmar Still light tunikaen seg å vera ferdig. Strengt tatt er det ikkje ein tunika, men ein kjole. Eg nærmar meg no ferdig med fyrste ermet. Med det været vi har for tida så er det vel helst eit plagg for neste vinter. Kan jo ikkje håpa på litt kalde dagar berre slik at eg skal få nytta den nye kjolen....

Jøss, finalist

2011-04-17T21:52:00.000+02:00

Eg likar godt Moseplassen sin hageblogg. Ho har stadig vekk fotokonkurransar. Denne gongen var det Frøken vårtegn. Eg er ikkje nokon superfotograf, men tykte dei vidunderleg vakre blåveisane våre som har gledd oss frå februar til fram til for ei vekes tid sidan fortende litt merksemd. Eg sendte difor inn dette bildet.

No viser det seg at det har vorte ein av 14 finalistar blant 70 deltakarar. Det må eg jo seia eg er nøgd med. Veldig hyggeleg dersom nokon vil inn og stemma på blåveisen Frøken Viljesterk her og eller nokre av dei andre.

Striped study shawl

2011-04-17T16:00:00.000+02:00

Då vart eg ferdig med sjalet frå Veera og 100% rain. Det er faktisk både finare og meir hendig enn eg hadde venta. Eg lurte litt på korleis den usymmetriske forma ville ta seg ut i praksis, men det viser seg at det er mykje lettare å slenga rundt halsen enn vanlege sjal. I tillegg har ein ikkje den lange flappen hengande ned foran. Ein absolutt favoritt.

Garnet er "restegarn" frå Oleana og Shetland soft frå Malsen og Mor.

Det har vel gått med omlag eit halvt nøste av kvar av Shetland soft. Gler meg over at det visst nok skal verta mjukare og mjukare ved bruk.

Det er regnfullt og ikkje dei beste lysforholda for tida så bileta kunne vore klårare, men det er jo i utgangspunktet ganske så klåre fargar i skjerfet. Det er altså tre raudfargar og beige. Kven skulle tru at eg skulle hiva meg på beige. Eg er meir ein raud enn ein beige person, men den er fin å kombinera med andre fargar for min fargepallett. Hi, hi, eg har jo vore på fargeanalyse må vita.

My uterus

2011-04-15T11:05:00.001+02:00

Eg sit og lagar undervisning til medisinstudentane og søker rundt på nettet etter illustrasjonar. Det er utruleg artig. Temaet er "Myoma uteri" også kalla muskelknutar på norsk, og dei sit stort sett i uterus (livmora).

Har litt dilla på kunst som illustrerer sjukdom og kroppsdelar. Det finst ganske mykje av det. Ikkje minst når det gjeld svangerskap også når svangerskapet endar i ein spontanabort.

Men denne gongen er eg altså på utkik etter livmora. Då fann eg denne strikka varianten av Leonid Tishkov.

Det er altså livmora med egglederane ut som armar som så held på eggstokkane.

Denne tatovering er jo då ei bra illustrasjon på korleis ho ser ut rett innafor reint bortsett frå at ho har overdrive storleiken litt og at alt sit lengre ned. Ganske uforståande for meg at ho vil gå rundt med det på magne, men folk har så mange ønsker og preferansar.

Ikkje halsbrekkande

2011-04-12T14:02:00.000+02:00

I staden god varme og halspleie. Sjølv om våren no er i anmarsj så har vi vel ale lært at ein skal passa seg for den skarpe lufta.

Dette er enkle saker. 40 masker på pinnen. 6 riller og så rettstrikk på dei ytste 6 maskene på kvar side før ein avslutter med 6 riller. På dei siste 6 rillene laga eg 4 kanppehol (strikka 4 masker, 2 masker av, strikka 8 masker 2 masker av osv. Avslutta med 4 masker. På neste omgang la eg opp to masker over kvart knapphol.)

Knappene fann eg i restekorga til Knappehuset i Bergen. Dei hadde berre att ein av kvar farge. Opprinneleg hadde eg tenkt med 4 gule knappar, men det viste seg å vera vanskeleg å finna i rett storleik. Så då vart dette alternativet.

Garn: 3- 4 nøster Cortina, Sparkjøp

Pinnar: 7

VÅR - livet er herleg

2011-04-10T21:13:00.000+02:00

Endeleg kom våren. Trudde han skulle koma litt meir i går, men i dag har det vore varmt og deilig. Så då er trappa på Tysse innvigd for sesongen og årets fyrste trappemåltid fortært. Enkel kost som vanleg, men fantastisk utsikt ned til sauene som vandrer rundt berre nokre få meter frå oss.

Sauene har vore på Askøy i vinter, men no er dei heldigvis tilbake. Nokre få lam har så vidt sett dagens ljos også, men dei fleste er ventande i påskeveka. Det er så utruleg rørande å sjå desse ustøe små lamma som stavrar seg avgarde.

Elles har vi vore på god gamaldags basar med åresal i Lihalli i dag. Det var skikkeleg nostalgisk, mykje folk, utruleg billege kaker (5 kr) og eit utal av premiar.

Strikker trottig på

2011-04-08T17:08:00.000+02:00

Still light tunikaen veks. No skal eg snart byrja med lommene. Det går i grunnen ganske radig unna.

Dei siste dagane har eg også vore på eit par konferansar/seminar og då har eg strikka på det skeive study shawl til same designer Veera og då har eg nytta litt gamalt garn eg kjøpte på Oleana i tillegg til nokre av dei Shetland soft nøstene de såg i førre innlegg. Ikkje overraskande for meg sjølv i alle fall så vart det raudtonane som vann igjen. Det kjem snart bilde.

I helga er det meldt godt vær på Vestlandet så no set Litjpia og eg nasen mot Tysso for litt avslapping og hagearbeid.

GOD HELG!

Garnsnoping

2011-04-05T20:25:00.001+02:00

Ei lita tid tilbake klarte eg endeleg å kjøpa litt shetland soft frå Malsen og Mor. Monstermønster reklamerer stadig for dette garnet så eg hadde fått god lyst til å kjøpa det. I det eg var i ferd med å kjøpa det såg eg i tillegg at dei held til i Bergen.

No lurer eg på om eg skal nytta noko av dette garnet til Veeras Striped study shawl. Sjalet er litt skeivt i forma og elles enkel rillestrikk med striper. Av og til er det enkle best.

Award

2011-04-04T19:04:00.001+02:00

Eg har fått ein "Liebster blog award" frå Lindastrikkerier. Det er ein award eg lett kan klare å oppfylla for den er for bloggar med under 100 følgarar, og det einaste eg skal klare er å finna fem andre bloggar eg liker med mindre enn 100 følgarar. Målet er å spre informasjon om ulike bloggar. Eg er diverre himla dårleg til å svara på spørsmål og utføra utfordringar, men dette er berre hyggeleg. Tusen takk Linda!

Blogger eg gjerne vil nemna og gje awarden vidare til er:

Hjertelill som syr og lager utruleg mykje fint og fortel om alt det kreative ungane ho har på skulen tar seg til i tillegg til at ho har tre fine gutar inkludert ein av kompisane til Litjpia frå Addis.

Ragnhild sin stad som driv med kvardagsblogging i tillegg til diverse strikke- og syprosjekt.

Maskeball som strikker mykje flott.

Strikk handknits sør-afrikansk med norske aner som bur i London, strikkar mykje og med mange flotte bilder og andre inspirasjonskilder.

Citronmoster med fargerike strikkeprosjekt nede i Danmark.

Ein liten oppdatering: Sidan eg er så dårleg til det med awards og utfordringar så fann eg no denne logoen om award fri blog hjå Citronmoster (som eg då hadde klart å senda ein award til... øh). Den passer meg veldig bra. Eg syns det er veeeeeldig hyggeleg å få ein award, men får litt hjartet i halsen kvar gong så då er det kanskje greiast å styra unna.

A "Liebster blog award" from Lindastrikkerier. An award I finally can manage to fulfill since the only thing I have to do is find other 5 blogs with less than 100 followers that I like. The gole is to promote other blogs. I am terrible at challenges but this one I managed. Thank you Linda.

Just found this award free blog logo on Citronmoster blog (after having given her an award....). That is definitely the solution for me. I like people thinking of my blog but I am awful when it comes to actually doing something about them so I guess I am better off with no such attention.

Frøken viljesterk

2011-04-01T18:06:00.000+02:00

Rett nok har eg vist bilder av blåveisen i hagen vår før, men no har det seg slik at Moseplassen har ein konkurranse om Frøken vårtegn 2011 og då tenkte eg at den fantastiske vårgaven vi har i hagen som har gitt meg håp om vår i to månader allereie fortente ein sjanse.

Eg har kalla ho for Frøken viljesterk av di ho allereie har trassa snø, vind og blæst for å vera her og har ikkje vist noko teikn til å bukka under eller gi etter for naturens alle prøvelser. Tua vert ikkje mindre med åra, og ho står der og gleder både oss i bygården og naboar som vandrer forbi. For tida utgjer sambygdingane hennar og ho eit vakkert teppe, og er vi heldige så held dei til påske.

Tunikaen veks

2011-03-31T20:34:00.000+02:00

Berre meir og meir nøgd med fargen eg valde for Still Light tunikaen. Den veks, og eg er veldig glad for at eg har skaffa meg maskemarkørar.

Eg er så ivrig etter å strikka at eg i går fyrst vart sitjande til kl 01.00 for å strikka til rett nedafor ermene. Så prøvde eg han på og oppdaga at Large var alt for stort for meg (og det er eg sjølvsagt veldig nøgd med) slik at eg måtte rekka opp 10 omgangar. Det er litt slitsamt å få alle 448 maskene tilbake på pinnane igjen. Til slutt var kl 02.00 før Litjpia vakna, og eg fann ut at eg sikkert burde koma meg i seng. Genialt å byrja frå toppen når det er snakk om å få den rette storleiken.

Alt dette medan eg såg dei siste episodane av Mad Men sesong 4. Elskar den serien og håper verkeleg dei bestemmer seg for ein sesong 5 også. Dei har i alle fall laga ein open slutt på denne serien så det er håp.

Blåveispiken

2011-03-29T21:07:00.000+02:00

Blåveisen i hagen til bygården vår i Bergen gir seg ikkje. Den blømer no på andre månaden. No for tida har den fått selskap av snøklokker og krokus også. Dessutan står den no i full blom mot dei litt skrantne kvastane eg forsøkte å ta bilete av tidlegare.

Legg også ved bildet av endå ei Vaffellue. Eg gir meg ikkje. Denne var til ho eg feira 40-årsdagen min med.

Pinner: 5 mm

Garn: 3 nøster Cortina (Sparkjøp)

Still light tunika

2011-03-25T19:20:00.000+01:00

Eg har sikla over denne oppskrifta lenge og endeleg hoppa eg i det. Ein smule inspirert av Caloweena. Tunikaen er veldig populær på Ravelry med ikkje ferre enn 387 prosjekt ferdige eller i gang. Det kan eg godt skjøna. Sikkert fleire av de der ute som har strikka den allereie.

Designaren er finske Veera og 100% rain som er ein av favorittane mine i bloggeverda når det gjeld stilig og fargesterk design.

For fyrste gong i mitt liv har eg hive meg på ei oppskrift på engelsk, men det går i grunnen forbausande lett så no kan eg berre angra på at eg har venta så lenge. Garnet er Tynn alpakka kjøpt på Husfliden. Gode gamle Husfliden. Må seia eg var litt overraska om ikkje forferda då eg måtte læra ei av damene der om Ravelry, men eg kan også ver opplysningskontor for mønster og strikk.

Sist helg var eg på "bli ny"-kurs i Oslo eller nærare bestemt Sandvika så no har eg fått ekspertuttalelse på at grønt er ein kledeleg farge for meg sidan eg er VÅR og har grøne auge. Eigentleg visste eg dette, men sidan mor mi er så glad i grønt at ho også helst et godteri som er grønt så har eg halde litt tilbake på den fargen. Det var på tide å la alt det fare så eg har vald å strikka tunikaen i eit flaskegrønt, melert garn.

Tunikaen skal strikkast frå topp til botn og sidan SM i mønsteret tyder Slip Marker så tenkte eg det var på tide å kjøpa seg maskemarkørar. Det har vore inkjeeksisterande i mi verd til no i dag då dei vakre markørane eg kjøpte av Mono til stor glede låg i postkassa mi. Takk!!!

Never change a winning strikkeoppskrift

2011-03-24T23:23:00.000+01:00

Ok, eg innrømmer at eg har ein tendens til å repetera meg sjølv. I dei siste innlegga har eg visst berre strikka vaffellue eller daisyjakker, og det har eg jaggu gjort denne gongen og.

Det er syskenbarna mine som har fått kvar si fine jente i tillegg til veninner som får jenter så då flesker eg til på nytt og på nytt. Det er litt artig å sjå at den same jakka tar ulik form og farge. Mønsteret er det same som før.

Denne gongen har eg nytta Baby Merino frå Gjestal kjøpt på Nille. Det er melert i rosa og raudt. I tillegg har eg nytta Baby Ull som også er frå Gjestal, men kjøpt denne gongen på Sparkjøp. Det siste er også merino ull og superwash og utgjer det gule i jakken. Eg nyttar pinne nr 3.

Eg har i grunnen kost meg med å kjøpa garn på Sparkjøp og Nille. Det er av og til litt kjipe fargar, men til dømes Cortina som eg fann hjå Sparkjøp har riktig så fine fargar. Det er alt anna enn drygt, men kva gjer det når det kostar 12 kr nøstet.

Hooked on a feeling

2011-03-15T20:47:00.001+01:00

I helga feira eg 40årsdagen min i lag med ei veninne. Ja, eg vert 40 år i neste veke. På eitt vis ikkje nøgd med at eg allereie er 40, men så måtte eg jo realitetsorientera meg sjølv og påpeika at det er jo makalaust å ha vorte sopass vaksen. Det kunne vore verre skjebnar.

Mi veninne er god på detaljar (ingen tilfeldigheit at eg ville feira med ho) så vi hadde raud løpar og anna stæsj på plass i denne vakre stallen frå 1700-talet som er under oppussing til å verta eit selskapslokale. Det er berre å gle seg til Starefossen Vel har gjort alt dugnadsarbeidet ferdig.

På nytt har eg fått sjansen til å bruka ein av bestemor mi sine gamle kjolar frå 50-talet. Eg kjende meg som Red/Joan frå Mad Men. Den sit som støpt så eg skjøner kvar eg må ha fått kroppen frå. Det er rart dette med arv.

Må seia det i grunnen er ganske stas med talar.... Ugift og ufeira som er eg så var dette fyrste gong og det ga meirsmak.

Mi chilenske veninne hadde laga pinata til oss.

TAKK!!!!

Blåveis varslar vår

2011-03-07T23:30:00.000+01:00

Ser ut til at koplinga mellom kameraet mitt og mac'en har takka for seg. Det var i alle fall umogleg å få overført bilder. Så då sat eg igjen med iphone utan blitz og dårleg lampelys. Oh glory....

La min elsk på Pickles si vaffelhuve. Den er særs enkel å strikka og samtidig veldig effektfullt mønster. Må seia at eg i grunnen var meir nøgd med fargen på den førre. Veit ikkje heilt kva eg tykkjer om den melerte effekten. Eg har brukt same type garn som i den førre så den er så mjuk som berre det. Denne gongen hadde eg brunt i botnen med rosa kashmirgarn i staden for raudt.

Vel, vel, det er i alle fall resultatet.

Det er dessutan deilig å sjå at våren er i emning sjølv om det sluddar etc innimellom.

I bedet i bygarden vår har vi ei diger tue med blåveis. Der har det bløma i nærare 3-4 veker no. Jippi!

Gir meg ikkje med dei daisyjakkane

2011-02-19T19:39:00.000+01:00

Eg har to kusiner som nett har fått seg kvar si dotter så då tenkte eg dei skulle få seg kvar si jakke av dette eine mønsteret eg har laga. No er den eine ferdig. Fargane er inspirert av ei par cowboystøvlettar kusina mi har. Ja, dei er kvite med mønster i knæsje fargar. Så no kan mor og dotter stå i stil.

Det er artig å sjå kor ulike jakkane vert når ein bruker ulikt garn og fargeval til trass for same mønster.

Eg har nytta naturfarga alpakka Tynn alpakka frå Du store alpakka og diverse restegarn i gilde fargar. Knappane er frå resteboksen og er vel i utgangspunktet plukka frå ein resteboks på ein eller annan butikk.

Diverre er det ikkje så ofte eg tar meg tid til å surfa rundt til alle dei flotte bloggane eg ikkje kjenner frå før. Som oftast vert det berre turar innom til dei kjende og kjære eg kjenner frå før, men i dag var eg innom denne svenske bloggen by Caloweena. Eg har visst ikkje vore innom så mange svenske bloggar skjønar eg. Her var det i alle fall litt andre ting enn det ein finn i norske bloggar og det er jo artig samt litt butikktips for den som skal til Stockholm.

Endeleg litt strikking

2011-02-17T22:18:00.000+01:00

Endeleg klarer eg å blogge litt om strikking. For tida er eg på kurs - grunnkurs i forsking. Slettes ikkje så verst faktisk. I grunnen er det kjekt å læra noko nytt og kjenna seg som student igjen. Så då har eg tid til å sitja og strikka på dagtid. For litt diskre strikking er det jo greit med ikkje for store og omfattande prosjekt.

Vaffellua til Pickles er både enkel og fin med eit lekkert mønster som ser imponerande ut, men som er grådig enkelt. No er eg på god veg med lue nr to.

Eg hadde kjøpt eit raudt garn av merino ull som er supermjukt Gedifra super soft merino. I tillegg hadde eg eit garn som er 70% kashmir og 30% silke Filatura Di Crosa. Resultatet har vorte ei veldig mjuk og god lue som eg skal gi bort til ei veninne.

Har også klart å velga ein mal til bloggen, men eg er ikkje sikker på om eg er så nøgd med resultatet....

Biltjuveri

2011-02-16T00:21:00.000+01:00

Kjenner eg er litt grinete for tida. Det er ikkje artig når nokon stel bilen din. Sjølv ikkje når den kjem til rette. For det er så mykje arbeid som følgjer med. Mellom anna er ein nøydd til å hengja på politistasjonen for å få meldt saka, og dei er naturleg nok av og til opptekne med meir alvorlege saker enn eit simpelt biltjuveri av ein bil som har kome til rettes og som ikkje har skada nokon på vegen.

Eg kom heim fredag etter å ha vore vekke i over eitt døger og såg at bilen i alle fall ikkje sto i gata. Er det då nærliggjande å tru at den er stolen eller er det berre eg som er surrete i hovudet og har satt han frå meg ein annan stad? Då politiet byrja å ringja skjøna eg at eg ikkje var så surrete alikevel diverre.

Bilen sto kopla og ulåst på Laksevåg. No står den på verkstad.

Sidan eg faktis er surrete og tydelegvis burde ha litt betre oversikt over forsikringane mine så viser det seg at eg har full kasko på ein 13 år gamal bil.... Øh, ikkje spesielt økonomisk, men no er det i alle fall slik fatt. Det kan kanskje koma heldig ut.

Eg er i grunnen glad i den fyrste bilen eg kjøpte og som har køyrd meg gjennom nesten heile Sogn og Fjordane og andre delar av landet fullasta av baggasje, møblar, syklar og dets like. Full av smular og anna drit som hoper seg opp på vegen har den vorte, men likevel min kjære bil.

Nyårspingvin

2011-02-08T21:44:00.000+01:00

Når ein ikkje har så mykje å blogga om frå eigen produksjon så tyr eg til mor mi og gåver til Litjpia.

Litt irriterande at eg stadig gløymer å ta bilder av ting eg lager og må senda avgarde i hui og hast, men, men det kan eg jo berre takka meg sjølv for.

For tida burde eg også heller sitja med nasen ned i noko statistikk som eg hadde tenkt eg skulle læra meg, men då er det sjølvsagt meir freistande å blogga litt for ein gongs skuld.

Her er altså Litjpia som nyårsbukk i den fine pingvindrakta mor mi laga til ho og syskenbarnet (vel eigentleg tremenning). Dei er liddeleg søte og no gler vi oss til ein tur på akvariet.

Rillestrikka kåpe

2011-01-30T20:51:00.000+01:00

Det har vore dårleg med blogginga i januar. Influensaen tok fyrst litjpia og så heiv den seg over på meg. Då var eg litt desperat for vi skulle reisa til Gran Canaria tre dagar seinare. It called for desperate measures så eg luska meg til næraste apotek og kjøpte Tamiflu. For å vera heilt ærleg så har eg ikkje hatt noko særleg tru på Tamiflu, men det hadde faktisk ein bra effekt. Eg var eigentleg berre sjuk i 3 dagar. Rett nok var eg litt halvvegs dei fyrste to dagane i syden, men kven bryr seg om det når ein ligg ved eit basseng og velter seg i sola.

Vel, vel, nok sjukdomsprat.

Her er ein av mine favorittar. Diverre såg eg fyrst etter at eg hadde strikka alt bortsett frå ermene at eg hadde strikka dei på litt vel store pinnar så den vart litt vid. Heldigvis er ho som har fått den litt meir breidskuldra enn litjpia som står modell her.

Garnet eg har nytta er Cortina frå Sparkjøp. Det har forbausande fine fargar til Sparkjøp-garn å vera og kostar berre 12,50 per nøste.

Ny jakke og lue med daisies

2011-01-08T19:42:00.000+01:00

Dette er vel ein av dei få oppskriftene eg har skrive ned, og eg liker å laga nye kombinasjonar av fargar på dette mønsteret. Modellen er også veldig fin på. Ermene ser litt store ut i forhold til bolen tykkjer eg sjølv når ein ser den på ein hengar, men bolen sit utruleg fint på kroppen og då kjem også dei litt vide ermane til sin rett.

Denne gongen har eg også laga nokre daisies på ermene. I tillegg har eg laga ei lue delvis etter mønster av Myk start sitt mønster. Eg har laga ein annan versjon før.

Eg hadde kjøpt noko Baby wool garn på Stoff og stil som eg brukte til denne jakken. Eigentleg hadde eg tenkt å ha blått på heile ermene og bolen, men etter å ha strikka eitt erme såg eg at eg ikkje hadde nok så då endra eg plan og tok til dei to nøstene med lilla eg hadde. Eg hadde allereie strikka nedre delen av bolen med daisiane så eg heldt meg til ideen med mansjettar og volangane i blått. I tillegg måtte eg legga til nokre rekker med daisies på ermene for å drøya garnet. Til slutt viste det seg å vera eit fint val. Det var artig med litt meir variasjon.

Strikkeåret 2010

2011-01-02T22:07:00.000+01:00

Så var nok eit år til ende. Sjølv om det kjennest som i går så har det unekteleg skjedd mykje sidan same tidspunkt i fjort og for ikkje å tenkja på i forfjor. I forfjor hadde eg fått vita for 4 dagar sidan at eg hadde vorte mor til ei lita jente. 2. januar ringte eg på barnevognannonsar på raud vogn på Finn for å få kjensla av at adopsjonen hadde materialisert seg meir enn berre eit bilde av ei lita jente.

I dag har vi vore på juletrefest og ho dansar rundt og snakkar som ein foss i ei blanding av bergensk, trøndersk og nordnorsk. Det er eit herleg liv.

I 2010 trur eg at eg har hatt 44 prosjekt på pinnane. Det er takka vera dei 11 vottepara eg produserte før jul at talet steig sopass. I forhold til nokre av storstrikkarane her inne kjenner eg meg som ei sinke. Av alt eg har strikka er visst berre to av prosjekta til litjpia. Ho har derimot fått 4 strikkeplagg til jul og ei kofte er på veg frå besta så det er ingen fåre.

Collagen inneheld ikkje på noko sett og vis alle prosjekta, men det er eit lite og ganske representativt utsnitt.

GODT NYTT ÅR TIL ALLE SOM STIKK INNOM!

Vott, vottare, vottast

2010-12-31T00:14:00.000+01:00

Ok, så gjekk det mykje i vottar før jul. Og dei var også skorne over same grunnoppskrift. Nemleg nøstebarn sin rillevott. Nokre av dei strikka eg også med magic loop i staden for fram og attende som det står i oppskrifta.

For dei som lurte på kva magic loop er så er finn de det her. Det er då for oss om ikkje liker å strikka med 5 pinner. Eg må nok ha litt meir øving før det eigentleg vert noko særleg betre enn og raskare enn 5 pinnar, men det er vel noko med desse lette fobiane.

Desse vottane er strikka på 4,5 mm pinnar og ca tjukkelse svarande til vamsegarn. På den måten har dei vorte veldig tette og varme. Mange av vottane var også strikka med dobbelt garn inkludert ein mohairvariant. Veldig greit viss ein har ein del restegarn.

No er eg på gang med litt større prosjekt igjen. Det er ein del barn som skal få gåver på nyåret. Sparkjøp hadde også 20% på alt garn. Mykje av det garnet som selgast der har jo litt odde fargar, men Cortina soft kom i overraskande fine fargar. Når ein får garn for 10 kr nøstet så vart det mykje hamstring er eg redd. Mor mi reiste heim med 4 bæreposar med garn som ho hadde kjøpt på ulike utsal i løpet av romjula. Ein kan trygt seia at eg er arveleg belasta.

Kåpe i haustfargar

2010-12-27T15:32:00.000+01:00

Litjpia har besteveninna si i naboleiligheita. Det er sjølvsagt eit lukkehell for alle partar. Ho har fantastiske, fine fargar så då eg skulle strikka kåpa til Sandnesgarn så valde eg å bruka haustfargar. Eg fann det rustfarga garnet i billigkorga på fabrikkutsalet til Dalegarn. Det viste seg å ikkje vera nok så då kom eg på ideen om å ha brunt i overkroppen. Knappene var også eit lukkefunn. Dei passa perfekt.

Med ein slik strålande modell så har kåpa fått sin rette eigar.

Kåpa går veldig raskt å strikka, og mor mi har seinare brukt legget bak i andre på ei dokkekåpe også.

Håper alle har ei strålande jul. Det har vore lite blogging på meg i det siste. Stort sett har eg strikka julegåver og dei er det litt vanskeleg å blogga om. Til slutte gløymde eg å ta bilde av ca halvparten også.

Jul i vintage arvegods

2010-12-21T21:52:00.000+01:00

Som eg har sagt tidlegare så har eg vore med og rydda på loftet etter besteforeldra mine. Der var det mange gamle klede. Deriblant denne kjolen.

Den var mormora mi sin og mor mi trur ho brukte han på slutten av 40-talet då onkelen min var liten gut. Sidan oldefar min var skreddar er det også mest sannsynleg han som har sydd han.

På føtene har eg farmor sine gamle sko frå 30-talet då ho var ung og gjekk i selskap. Dei har nesten den same fargen.

Mest overraska er eg over at han passer så godt som han gjer. Eg tenkjer på bestemora mi som lita og nett, og sikkert 10 cm kortare enn meg. Men han sit faktisk som støpt. På innsida har eg til alt overmål ein av dei gamle underkjolane hennar.

Diverre er lyset på årets kortaste dag ein sorgens kapittel så det er absolutt ikkje tilrådd å zooma bildene. Litjpia har også grisa på linsa ser det ut til slik at eg har fått ein imaginær flekk på kjolen. Det får de bæra oer med. Eg kunne berre ikkje dy meg for å visa han fram.

Vottedilla

2010-12-06T22:53:00.000+01:00

Vert litt gira på eit mønster av og til særleg når det er slik som dette at ein nesten kan få ferdig eit par per kveld.

Eg missliker sterkt å strikka med 5 pinner så då eg såg nokon som strikka denne Rillevotten til Nøstebarn så vart eg inspirert. Etter å strikka 4 par var eg rett nok litt lei av det og no er eg over på magic loop.

Eg hadde noko fluffy garn eg hadde kjøpt på Stoff og stil som sjølvsagt viste seg å vera 60% acryl. Kvifor sjekka eg ikkje det litt før. Hmpf, ja, det har eg spurt meg sjølv om. Endeleg har eg i alle fall fått brukt det for når ein likevel strikkar med dobbel tråd så vert det både slitesterkt og varmt på same tid. Eg hadde mellom anna noko 3 tråds raumagarn liggjande, og det er i grunnen ganske stivt og kløframkallande, men saman med denne mohair og acryl greia vart det heilt supert.

Eg har også ein del anna restegarn som har fått køyrd seg, og eg har ikkje strikka den siste votten enno, men som sagt trur eg det vert meir variasjon over same masketal, men på magic loop.